നമസ്കാരം...!
കഴിഞ്ഞ നാല് ദിവസങ്ങള്‍ ഒരു വയനാട് യാത്രയില്‍ ആയിരുന്നതിനാല്‍ പുതിയ പോസ്റ്റ്‌ ഒന്നും ഇടാന്‍ പറ്റിയില്ല. ഇപ്പോള്‍ വയനാട് യാത്രയുടെ യാത്രാവിവരണം തയ്യാറാക്കുന്ന തിരക്കിലാണ്. ഫോട്ടോസും മാപ്പും ഒക്കെ ചേര്‍ത്തൊരു വലിയ യാത്രാവിവരണം. അതിനു കുറച്ചു നേരം എടുക്കും. അതുവരെ ചിന്തിച്ചിരിക്കാന്‍ ഒരു പസില്‍ ...
ഇത് യഥാര്‍ത്ഥത്തില്‍ സംഭവിച്ച ഒന്നാണ്... ഇതിന്റെ ശരിയായ ഉത്തരം ഇന്നും എനിക്കറിയില്ല, പലരും പല ഉത്തരമാണ് പറയുന്നത്. നിങ്ങള്‍ക്ക്‌ ഇതിന്റെ ഉത്തരം അറിയാമെന്കില്‍ പറഞ്ഞുതരൂ...!
***********************************************************************************
സ്ഥലം - പാലക്കാട് റെയില്‍വേ സ്റ്റേഷന്‍
കോളേജ് ടൂര്‍ ആണ്. പാലക്കാട് അല്‍പനേരം ട്രെയിന്‍ നിര്‍ത്തി.
ദിലീപ്‌ അവന്റെ പേഴ്സില്‍ നിന്നും ഒരു നോട്ട് എടുത്തു എന്‍റെ കയ്യില്‍ വെച്ചുതന്നിട്ടു പെട്ടെന്ന് തന്നെ ഒരു സ്പ്രൈറ്റ് വാങ്ങിവരാന്‍ പറഞ്ഞു... തിരക്ക് കാരണം ഞാന്‍ ആ നോട്ട് പെട്ടെന്ന് ഒന്ന് നോക്കിയതേ ഉള്ളൂ - 100 രൂപാ ഉണ്ട്.
ഞാന്‍ അത് പെട്ടെന്ന് കടയില്‍ കൊടുത്തു, ഒരു സ്പ്രൈറ്റ് വാങ്ങി. അതിന്റെ വില 25 രൂപ. കടക്കാരന്‍ ബാക്കിയായി ഒരു 25 രൂപ തിരികെ തന്നു. പക്ഷെ ഞാന്‍ കൊടുത്തത് 100 രൂപാ ആണല്ലോ എന്ന് ഞാന്‍ പറഞ്ഞു... ഞാന്‍ നൂറിന്‍റെ ബാക്കി ചോദിച്ചു... തിരക്കിനിടയില്‍ കടക്കാരനും ആ നോട്ട് ശ്രദ്ധിച്ചിരുന്നില്ല.
പെട്ടെന്ന് ട്രെയിന്‍ പോകാനുള്ള വിസില്‍ അടിച്ചു.
പെട്ടെന്ന് അയാള്‍ എനിക്ക് 50 രൂപാ കൂടി തന്നു... അപ്പൊ എന്‍റെ കണക്ക് പ്രകാരം ശെരിയാണ് - ഞാന്‍ 100 രൂപാ കൊടുത്തു 25 രൂപയുടെ സ്പ്രൈറ്റ് മേടിച്ചു, ബാക്കി 75 രൂപാ തിരികെ വാങ്ങിച്ചു.
തിരികെ ഓടിവന്നു ട്രെയിനില്‍ കേറി ദിലീപിന്‍റെ കയ്യില്‍ സ്പ്രൈറ്റ് കുപ്പിയും 75 രൂപയും കൊടുത്തപ്പോള്‍ അവന്‍ ഒന്ന് ഞെട്ടി.
അവന്‍ എനിക്ക് തന്നത് 50 രൂപ നോട്ട് ആയിരുന്നത്രേ...!
***********************************************************************************
പിന്നെ വിശദമായി ആലോചിച്ചപ്പോള്‍ ഇത് ഒരു പസില്‍ ആണെന്ന് മനസിലായി...! ഈ കച്ചവടത്തില്‍ എനിക്ക് കയ്യില്‍ 75 രൂപയും ഒരു സ്പ്രൈറ്റ് ബോട്ടിലും. പക്ഷെ കടക്കാരനോ? ഞാന്‍ കൊടുത്ത 50 രൂപ തിരികെ തന്നു, മാത്രമോ, എനിക്കൊരു ബോട്ടിലും കൂടെ 25 രൂപയും തന്നു...
അപ്പോള്‍ ഈ കച്ചവടത്തില്‍ കടക്കാരന്റെ നഷ്ടം എത്ര?
മുന്‍പ് ഈ ചോദ്യം ഫേസ്ബുക്കില്‍ ചോദിച്ചപ്പോള്‍ പലരും പല ഉത്തരം ആണ് പറഞ്ഞത്... ചിലര്‍ പറയുന്നു 25 എന്ന്... മറ്റു ചിലര്‍ പറയുന്നു 75 എന്ന്... സത്യത്തില്‍ എന്താണ് ഉത്തരം???
(പ്രിയപ്പെട്ട കടക്കാരാ, സോറി കേട്ടോ... ഞാന്‍ അറിഞ്ഞുകൊണ്ട് ചെയ്തതല്ല... എന്നെങ്കിലും താങ്കളെ നേരിട്ട് കണ്ടാല്‍ ആ പൈസ ഞാന്‍ തിരികെ തന്നേക്കാം...)
Tuesday, May 15, 2012
Saturday, May 05, 2012
പച്ച നിറമുള്ള കാലുകളും, "ഹൃദയം പൊട്ടിയ" ചോരയും
സംഭവം നടന്നത് മൂന്നു ദിവസങ്ങള്‍ക്ക് മുന്‍പാണ്.
രാവിലെ നല്ല മഴയുണ്ട്. പക്ഷെ അതുകൊണ്ട് ജോലിക്ക് പോകാതിരിക്കാന്‍ പറ്റില്ലല്ലോ... അങ്ങനെ മഴ അല്പമൊന്നു തോര്‍ന്നപ്പോള്‍ മഴക്കോട്ടും എടുത്ത്‌ ബൈക്കില്‍ ഓഫീസിലേക്ക്‌ യാത്രയായി.
കുറച്ചു ദൂരം എത്തിയപ്പോള്‍ എന്‍റെ ഒരു പഴയ സുഹൃത്ത് സൈക്കിളില്‍ വരുന്നു. പുള്ളിക്കാരന്‍ ആണ് ആ പ്രദേശത്തെ പത്രവിതരണം കൈകാര്യം ചെയ്യുന്നത്. മഴ അല്പമൊന്നു തോര്‍ന്ന നേരം നോക്കി പത്രങ്ങള്‍ മുഴുവനും പ്ലാസ്റ്റിക് കവര്‍ കൊണ്ട് പൊതിഞ്ഞു സൈക്കിളില്‍ വരുകയാണ്.
കുറച്ചു ദിവസങ്ങള്‍ക്ക് ശേഷമാണ് അവനെ കാണുന്നത്. അതുകൊണ്ട് തന്നെ ഞാന്‍ അവനെ കണ്ടപ്പോള്‍ വണ്ടി നിര്‍ത്തി. വെറുതെ കുശലം പറഞ്ഞു നില്‍ക്കുമ്പോള്‍ ആണ് അവന്റെ മുഖത്തെ വിഷാദഭാവം ഞാന്‍ ശ്രദ്ധിച്ചത്. കൂടുതല്‍ ഫോര്‍മാലിറ്റി ഒന്നും ഇല്ലാതെ അവന്‍ പതിയെ ചെരുപ്പ് ഊരി അവന്റെ കാല്‍പാദങ്ങള്‍ എന്നെ കാണിച്ചു.
ഞാന്‍ ഒന്ന് ഞെട്ടി. അവന്റെ കാല്‍വെള്ളയും പാദങ്ങളും മുഴുവനും പച്ച നിറം...!
രാവിലെ കുഴപ്പമൊന്നും ഇല്ലായിരുന്നു, ഇടയ്ക്ക് എപ്പോഴോ നോക്കിയപ്പോള്‍ ആണ് പച്ച നിറം ശ്രദ്ധയില്‍ പെട്ടത് എന്ന് അവന്‍ പറഞ്ഞു.
അതിരാവിലെ ഉണങ്ങാത്ത പത്രത്തില്‍ നിന്നും പച്ച മഷി വല്ലതും ആയതാണോ എന്ന് അന്വേഷിച്ചപ്പോള്‍ അല്ല എന്ന് അവന്‍ ഉറപ്പിച്ചു പറഞ്ഞു. അവന്‍ പത്രത്തില്‍ ഒന്നും ചവിട്ടിയില്ല, വീട്ടില്‍ നിന്നും ചെരുപ്പും ധരിച്ചാണ് രാവിലെ ഇറങ്ങിയതത്രേ...!
പിന്നെയും അവന്‍ കാലു കാണിച്ചിട്ട് ആ പച്ചനിറം തൊലിക്ക് ഉള്ളിലാണ് എന്നുകൂടി പറഞ്ഞതോടെ ഞാന്‍ ഇതെന്തോ ഒരു മാരക രോഗമാണ് എന്ന് മനസ്സില്‍ ഉറപ്പിച്ചു. പലതരം മഴക്കാല രോഗങ്ങളെ കുറിച്ച് ഞങ്ങള്‍ ചര്‍ച്ച ചെയ്തു. മണ്ണിര കടിച്ചാല്‍ ഇങ്ങനെ വരുമോ?? ഏയ്‌ ഇല്ല ഇല്ല... ഇനി കാലില്‍ മൊത്തം പായല്‍ പിടിച്ചതാണോ?? അങ്ങനെ ഉണ്ടാകുമോ???
"നീ എത്രയും വേഗം പോയി ഡോക്ടറിനെ കാണൂ" എന്ന് പറയാന്‍ മാത്രമേ എനിക്ക് കഴിഞ്ഞുള്ളൂ...
അവന്‍ ഡോക്ടറിനെ കാണുന്നതും മരുന്ന് കഴിക്കുന്നതും ചിന്തിച്ചു വിഷാദമൂകനായി നില്‍ക്കുമ്പോഴാണ് ഞാന്‍ അത് കണ്ടത് - ആ പച്ചനിറം അവന്റെ പാദങ്ങളില്‍ മാത്രമല്ല, കാലിന്‍റെ മുകളിലേക്ക് കയറിപ്പോവുകയാണ്... അപ്പോഴാണ്‌ അങ്ങനെയൊരു കാര്യം അവനും കാണുന്നത്...
എന്‍റെ കണ്ണുകള്‍ ആ കാലുകളുടെ മുകളിലേക്ക് നടന്നു കയറി... പതിയെ അവന്റെ പാതി നനഞ്ഞ "പച്ച നിറമുള്ള" ലുങ്കിയില്‍ ഉടക്കി നിന്നു. ട്വിസ്റ്റ്‌...! ട്വിസ്റ്റ്‌...! എന്ത് നിറമുള്ള ലുങ്കി...??? പച്ച നിറം... പച്ച പച്ച...!!
അവന്റെ ജീവിതം തന്നെ നശിപ്പിക്കാന്‍ പോന്ന ആ "രോഗത്തിന്‍റെ" കാരണം മനസിലായത് അപ്പോഴാണ്‌!!!
പച്ച നിറമുള്ള പുതിയ ലുങ്കിയുടുത്ത് ചാറ്റല്‍മഴ നനഞ്ഞു നടക്കുമ്പോള്‍, ലുങ്കി നനഞ്ഞു പതിയെ പതിയെ അതിലെ നിറം ഇളകി ആശാന്‍റെ കാലില്‍ കൂടി ഊര്‍ന്നിറങ്ങി ചെരുപ്പില്‍ കിടന്നു പാദവും കാലും പച്ചനിറം ആയതാണ്...!!!
കാര്യം മനസിലായതോടെ അവനു ജീവന്‍ തിരിച്ചുകിട്ടിയ സന്തോഷമായിരുന്നു...! പറ്റിയ അബദ്ധം ഓര്‍ത്തു ഞങ്ങള്‍ രണ്ടും ചിരിച്ചു.. പിന്നെ സന്തോഷത്തോടെ അവന്‍ അവന്റെ ജോലിയിലേക്ക്‌ പോയി.
അതിരാവിലെ ഒരു കൂട്ടുകാരന്‍റെ "ജീവന്‍ രക്ഷിക്കാന്‍ " കഴിഞ്ഞതില്‍ കൃതാര്‍ത്ഥനായി ഞാനും ഓഫീസിലേക്ക്‌ വിട്ടു!
*** *** *** *** ***
ഈ സംഭവം കഴിഞ്ഞപ്പോള്‍ സാമ്യമുള്ള മറ്റൊരു സംഭവം ഓര്‍മവന്നു...
മുന്‍പ്, കോളേജില്‍ ജോലി ചെയ്തിരുന്നകാലത്ത് നടന്നത്.
ഒരിക്കല്‍ കോളേജില്‍ നിന്നും തിരികെ വീട്ടിലെത്തിയ ഞാന്‍ ഷര്ട്ട് ഒക്കെ ഊരിക്കളഞ്ഞ ശേഷം കുളിക്കാന്‍ തയ്യാറായി അവിടെയും ഇവിടെയുമൊക്കെ കറങ്ങി നില്‍ക്കുന്ന നേരം. അതുവരെ പുറത്തെവിടെയോ നിന്ന അമ്മ എന്‍റെ അടുത്തേക്ക് വന്നിട്ട് ഒരു നിലവിളി...!
എന്‍റെ നെഞ്ച് ചൂണ്ടിക്കാട്ടി "ഡേയ് നിനക്കിത് എന്തുപറ്റി?" എന്നൊരു ചോദ്യവും.
അപ്പോഴാണ്‌ ഞാനും അത് കാണുന്നത് - എന്‍റെ നെഞ്ചിന്റെ ഇടതുഭാഗത് മൊത്തം ചോര...!!! ഹൃദയം പൊട്ടി ഒഴുകിയിറങ്ങിയ പോലെ...! കണ്ണാടിയില്‍ നോക്കിയപ്പോഴേക്കും എനിക്ക് നെഞ്ച് വേദന വരുന്നതുപോലെ ഒരു തോന്നല്‍... കൂടെ തൊലിപ്പുറത്ത് നല്ല നീറ്റലും.
"ദൈവമേ, ഇത്ര ചെറുപ്പത്തില്‍ തന്നെ എന്നെ ഒരു ഹാര്‍ട്ട് പേഷ്യന്റ്‌ ആക്കണോ???" എന്നുള്ള ചോദ്യമൊക്കെ ഒറ്റനിമിഷം കൊണ്ട് തലയില്‍ മിന്നി...!
പെട്ടെന്ന് തന്നെ ആ ഞെട്ടലില്‍ നിന്നും എഴുനേറ്റു... നോക്കുമ്പോള്‍ ചോരയ്ക്ക് എന്തോ ഒരു പ്രത്യേക മണം... കാര്യം ഏതാണ്ട് പിടികിട്ടി... ഷര്ട്ട് എടുത്തു നോക്കുമ്പോള്‍ പോക്കറ്റിന് താഴോട്ടു മുഴുവനും അതേ "ചോര"...! കറുത്ത ഷര്ട്ട് ആയതുകൊണ്ട് പെട്ടെന്ന് അറിയില്ല.
അതേ, നിങ്ങള്‍ ഊഹിച്ചത് തന്നെ. സ്ഥിരമായി ചുവന്നമഷി പേന ഉപയോഗിക്കുന്നതുകൊണ്ട് പോക്കറ്റില്‍ ഇപ്പോഴും ഒരു ചുവന്നമഷി പേന കാണും. അന്നും ഉണ്ടായിരുന്നു, ആരുടെയോ കയ്യില്‍നിന്നും കിട്ടിയ ഒരു ചുവന്നമഷി ജെല്‍ പേന. പോക്കറ്റില്‍ കുത്തി വെച്ചിരുന്നപ്പോള്‍ ഫിസിക്സിലെ ഏതൊക്കെയോ സിദ്ധാന്തങ്ങള്‍ അനുസരിച്ച് മഷി താഴോട്ടു ഒഴുകി എന്നെ "ചോരയില്‍ " കുളിപ്പിച്ചതാണ്...!
പക്ഷെ എനിക്ക് തോന്നിയ നീറ്റല്‍ ഉള്ളത് തന്നെ... അത് കഠിനമായി തോന്നിയത് ആ "ചോര" കണ്ടപ്പോഴാണെന്നു മാത്രം!
*** *** *** *** ***
നിറങ്ങള്‍ കൊണ്ട് എന്തെല്ലാം കാര്യങ്ങള്‍...! ഏഴുനിറത്തില്‍ മഴവില്ല്, നിറങ്ങള്‍ ആഘോഷിക്കാന്‍ ഹോളി... അതിനിടയില്‍ ഇതുപോലെ "നിറം കലര്‍ന്ന" ചില രസമുള്ള ഓര്‍മകളും...!
രാവിലെ നല്ല മഴയുണ്ട്. പക്ഷെ അതുകൊണ്ട് ജോലിക്ക് പോകാതിരിക്കാന്‍ പറ്റില്ലല്ലോ... അങ്ങനെ മഴ അല്പമൊന്നു തോര്‍ന്നപ്പോള്‍ മഴക്കോട്ടും എടുത്ത്‌ ബൈക്കില്‍ ഓഫീസിലേക്ക്‌ യാത്രയായി.
കുറച്ചു ദൂരം എത്തിയപ്പോള്‍ എന്‍റെ ഒരു പഴയ സുഹൃത്ത് സൈക്കിളില്‍ വരുന്നു. പുള്ളിക്കാരന്‍ ആണ് ആ പ്രദേശത്തെ പത്രവിതരണം കൈകാര്യം ചെയ്യുന്നത്. മഴ അല്പമൊന്നു തോര്‍ന്ന നേരം നോക്കി പത്രങ്ങള്‍ മുഴുവനും പ്ലാസ്റ്റിക് കവര്‍ കൊണ്ട് പൊതിഞ്ഞു സൈക്കിളില്‍ വരുകയാണ്.
കുറച്ചു ദിവസങ്ങള്‍ക്ക് ശേഷമാണ് അവനെ കാണുന്നത്. അതുകൊണ്ട് തന്നെ ഞാന്‍ അവനെ കണ്ടപ്പോള്‍ വണ്ടി നിര്‍ത്തി. വെറുതെ കുശലം പറഞ്ഞു നില്‍ക്കുമ്പോള്‍ ആണ് അവന്റെ മുഖത്തെ വിഷാദഭാവം ഞാന്‍ ശ്രദ്ധിച്ചത്. കൂടുതല്‍ ഫോര്‍മാലിറ്റി ഒന്നും ഇല്ലാതെ അവന്‍ പതിയെ ചെരുപ്പ് ഊരി അവന്റെ കാല്‍പാദങ്ങള്‍ എന്നെ കാണിച്ചു.
ഞാന്‍ ഒന്ന് ഞെട്ടി. അവന്റെ കാല്‍വെള്ളയും പാദങ്ങളും മുഴുവനും പച്ച നിറം...!
രാവിലെ കുഴപ്പമൊന്നും ഇല്ലായിരുന്നു, ഇടയ്ക്ക് എപ്പോഴോ നോക്കിയപ്പോള്‍ ആണ് പച്ച നിറം ശ്രദ്ധയില്‍ പെട്ടത് എന്ന് അവന്‍ പറഞ്ഞു.
അതിരാവിലെ ഉണങ്ങാത്ത പത്രത്തില്‍ നിന്നും പച്ച മഷി വല്ലതും ആയതാണോ എന്ന് അന്വേഷിച്ചപ്പോള്‍ അല്ല എന്ന് അവന്‍ ഉറപ്പിച്ചു പറഞ്ഞു. അവന്‍ പത്രത്തില്‍ ഒന്നും ചവിട്ടിയില്ല, വീട്ടില്‍ നിന്നും ചെരുപ്പും ധരിച്ചാണ് രാവിലെ ഇറങ്ങിയതത്രേ...!
പിന്നെയും അവന്‍ കാലു കാണിച്ചിട്ട് ആ പച്ചനിറം തൊലിക്ക് ഉള്ളിലാണ് എന്നുകൂടി പറഞ്ഞതോടെ ഞാന്‍ ഇതെന്തോ ഒരു മാരക രോഗമാണ് എന്ന് മനസ്സില്‍ ഉറപ്പിച്ചു. പലതരം മഴക്കാല രോഗങ്ങളെ കുറിച്ച് ഞങ്ങള്‍ ചര്‍ച്ച ചെയ്തു. മണ്ണിര കടിച്ചാല്‍ ഇങ്ങനെ വരുമോ?? ഏയ്‌ ഇല്ല ഇല്ല... ഇനി കാലില്‍ മൊത്തം പായല്‍ പിടിച്ചതാണോ?? അങ്ങനെ ഉണ്ടാകുമോ???
"നീ എത്രയും വേഗം പോയി ഡോക്ടറിനെ കാണൂ" എന്ന് പറയാന്‍ മാത്രമേ എനിക്ക് കഴിഞ്ഞുള്ളൂ...
അവന്‍ ഡോക്ടറിനെ കാണുന്നതും മരുന്ന് കഴിക്കുന്നതും ചിന്തിച്ചു വിഷാദമൂകനായി നില്‍ക്കുമ്പോഴാണ് ഞാന്‍ അത് കണ്ടത് - ആ പച്ചനിറം അവന്റെ പാദങ്ങളില്‍ മാത്രമല്ല, കാലിന്‍റെ മുകളിലേക്ക് കയറിപ്പോവുകയാണ്... അപ്പോഴാണ്‌ അങ്ങനെയൊരു കാര്യം അവനും കാണുന്നത്...
എന്‍റെ കണ്ണുകള്‍ ആ കാലുകളുടെ മുകളിലേക്ക് നടന്നു കയറി... പതിയെ അവന്റെ പാതി നനഞ്ഞ "പച്ച നിറമുള്ള" ലുങ്കിയില്‍ ഉടക്കി നിന്നു. ട്വിസ്റ്റ്‌...! ട്വിസ്റ്റ്‌...! എന്ത് നിറമുള്ള ലുങ്കി...??? പച്ച നിറം... പച്ച പച്ച...!!
അവന്റെ ജീവിതം തന്നെ നശിപ്പിക്കാന്‍ പോന്ന ആ "രോഗത്തിന്‍റെ" കാരണം മനസിലായത് അപ്പോഴാണ്‌!!!
പച്ച നിറമുള്ള പുതിയ ലുങ്കിയുടുത്ത് ചാറ്റല്‍മഴ നനഞ്ഞു നടക്കുമ്പോള്‍, ലുങ്കി നനഞ്ഞു പതിയെ പതിയെ അതിലെ നിറം ഇളകി ആശാന്‍റെ കാലില്‍ കൂടി ഊര്‍ന്നിറങ്ങി ചെരുപ്പില്‍ കിടന്നു പാദവും കാലും പച്ചനിറം ആയതാണ്...!!!
കാര്യം മനസിലായതോടെ അവനു ജീവന്‍ തിരിച്ചുകിട്ടിയ സന്തോഷമായിരുന്നു...! പറ്റിയ അബദ്ധം ഓര്‍ത്തു ഞങ്ങള്‍ രണ്ടും ചിരിച്ചു.. പിന്നെ സന്തോഷത്തോടെ അവന്‍ അവന്റെ ജോലിയിലേക്ക്‌ പോയി.
അതിരാവിലെ ഒരു കൂട്ടുകാരന്‍റെ "ജീവന്‍ രക്ഷിക്കാന്‍ " കഴിഞ്ഞതില്‍ കൃതാര്‍ത്ഥനായി ഞാനും ഓഫീസിലേക്ക്‌ വിട്ടു!
*** *** *** *** ***
ഈ സംഭവം കഴിഞ്ഞപ്പോള്‍ സാമ്യമുള്ള മറ്റൊരു സംഭവം ഓര്‍മവന്നു...
മുന്‍പ്, കോളേജില്‍ ജോലി ചെയ്തിരുന്നകാലത്ത് നടന്നത്.
ഒരിക്കല്‍ കോളേജില്‍ നിന്നും തിരികെ വീട്ടിലെത്തിയ ഞാന്‍ ഷര്ട്ട് ഒക്കെ ഊരിക്കളഞ്ഞ ശേഷം കുളിക്കാന്‍ തയ്യാറായി അവിടെയും ഇവിടെയുമൊക്കെ കറങ്ങി നില്‍ക്കുന്ന നേരം. അതുവരെ പുറത്തെവിടെയോ നിന്ന അമ്മ എന്‍റെ അടുത്തേക്ക് വന്നിട്ട് ഒരു നിലവിളി...!
എന്‍റെ നെഞ്ച് ചൂണ്ടിക്കാട്ടി "ഡേയ് നിനക്കിത് എന്തുപറ്റി?" എന്നൊരു ചോദ്യവും.
അപ്പോഴാണ്‌ ഞാനും അത് കാണുന്നത് - എന്‍റെ നെഞ്ചിന്റെ ഇടതുഭാഗത് മൊത്തം ചോര...!!! ഹൃദയം പൊട്ടി ഒഴുകിയിറങ്ങിയ പോലെ...! കണ്ണാടിയില്‍ നോക്കിയപ്പോഴേക്കും എനിക്ക് നെഞ്ച് വേദന വരുന്നതുപോലെ ഒരു തോന്നല്‍... കൂടെ തൊലിപ്പുറത്ത് നല്ല നീറ്റലും.
"ദൈവമേ, ഇത്ര ചെറുപ്പത്തില്‍ തന്നെ എന്നെ ഒരു ഹാര്‍ട്ട് പേഷ്യന്റ്‌ ആക്കണോ???" എന്നുള്ള ചോദ്യമൊക്കെ ഒറ്റനിമിഷം കൊണ്ട് തലയില്‍ മിന്നി...!
പെട്ടെന്ന് തന്നെ ആ ഞെട്ടലില്‍ നിന്നും എഴുനേറ്റു... നോക്കുമ്പോള്‍ ചോരയ്ക്ക് എന്തോ ഒരു പ്രത്യേക മണം... കാര്യം ഏതാണ്ട് പിടികിട്ടി... ഷര്ട്ട് എടുത്തു നോക്കുമ്പോള്‍ പോക്കറ്റിന് താഴോട്ടു മുഴുവനും അതേ "ചോര"...! കറുത്ത ഷര്ട്ട് ആയതുകൊണ്ട് പെട്ടെന്ന് അറിയില്ല.
അതേ, നിങ്ങള്‍ ഊഹിച്ചത് തന്നെ. സ്ഥിരമായി ചുവന്നമഷി പേന ഉപയോഗിക്കുന്നതുകൊണ്ട് പോക്കറ്റില്‍ ഇപ്പോഴും ഒരു ചുവന്നമഷി പേന കാണും. അന്നും ഉണ്ടായിരുന്നു, ആരുടെയോ കയ്യില്‍നിന്നും കിട്ടിയ ഒരു ചുവന്നമഷി ജെല്‍ പേന. പോക്കറ്റില്‍ കുത്തി വെച്ചിരുന്നപ്പോള്‍ ഫിസിക്സിലെ ഏതൊക്കെയോ സിദ്ധാന്തങ്ങള്‍ അനുസരിച്ച് മഷി താഴോട്ടു ഒഴുകി എന്നെ "ചോരയില്‍ " കുളിപ്പിച്ചതാണ്...!
പക്ഷെ എനിക്ക് തോന്നിയ നീറ്റല്‍ ഉള്ളത് തന്നെ... അത് കഠിനമായി തോന്നിയത് ആ "ചോര" കണ്ടപ്പോഴാണെന്നു മാത്രം!
*** *** *** *** ***
നിറങ്ങള്‍ കൊണ്ട് എന്തെല്ലാം കാര്യങ്ങള്‍...! ഏഴുനിറത്തില്‍ മഴവില്ല്, നിറങ്ങള്‍ ആഘോഷിക്കാന്‍ ഹോളി... അതിനിടയില്‍ ഇതുപോലെ "നിറം കലര്‍ന്ന" ചില രസമുള്ള ഓര്‍മകളും...!
Tuesday, May 01, 2012
മനോഹരമായ രണ്ടു പാട്ടുകള്‍ കൂടി...
പാട്ടു കേള്‍ക്കാന്‍ ഇഷ്ടപെടാത്തവര്‍ ആരുണ്ട്‌? നമ്മളെല്ലാരും നല്ല നല്ല പാട്ടുകള്‍ ആസ്വദിക്കുന്ന കൂട്ടത്തിലാണ്.. അല്ലേ? പലര്‍ക്കും പലതരം പാട്ടുകളോടാണ് താല്പര്യം. ചിലര്‍ക്ക് മെലഡി, ക്ലാസിക്കല്‍ ഒക്കെ ആണ് ഇഷ്ടം. മറ്റു ചിലര്‍ക്കോ, അടിച്ചുപൊളി, ഡപ്പാംകൂത്ത് അങ്ങനെയുള്ള പാട്ടുകള്‍ ആണ് ഇഷ്ടം.
എന്തൊക്കെ ആയാലും, നല്ല പാട്ടുകള്‍ കേട്ടാല്‍ നമ്മളെല്ലാം ആസ്വദിക്കും... സംഗീതത്തിനു നമ്മുടെ മാനസികാവസ്ഥ വളരെവേഗം മാറ്റിമറിക്കാനുള്ള ഒരു അപാരമായ കഴിവുണ്ട്. ചിലപ്പോഴൊക്കെ ഒരു അടിച്ചുപൊളി പാട്ട് കേള്‍ക്കുമ്പോള്‍ നമ്മള്‍ തന്നെ സ്വയം ഒരു ഭീമാകാരമായ സ്റ്റേജില്‍ നിന്ന് പാടുന്നതായും ആളുകളെല്ലാം നമ്മെ ആരാധനയോടെ നോക്കുന്നതായുമൊക്കെ സ്വപ്നം കാണാറില്ലേ??? മറ്റു ചിലപ്പോള്‍ മടി പിടിച്ചു കട്ടിലില്‍ കിടക്കുമ്പോള്‍ ഒരു മനോഹരമായ മെലഡി കേട്ടാല്‍ എവിടുന്നോ ഒരു ഉണര്‍വ് കിട്ടുന്നത് കാണാം.
പ്രണയിക്കുന്നവരുടെ കൂടെ എപ്പോഴും കാണും അവരുടെ മാത്രം സ്വകാര്യമായ ഒരു നൂറ്റമ്പത്‌ പാട്ടുകള്‍. കൂട്ടുകാരിയെ കാണാന്‍ കൊതിക്കുമ്പോള്‍ ഒരു പാട്ട്, പിണങ്ങിയിരിക്കുമ്പോള്‍ മറ്റൊരു പാട്ട് - അതും കൂട്ടുകാരി നമ്മുടെ മുഖത്ത് നോക്കി പാടുന്നതായി തന്നെ തോന്നും - പിന്നെ വിരഹത്തില്‍ നൊമ്പരപ്പെടുത്തുന്ന പാട്ടുകള്‍... അങ്ങനെ എത്രയെത്ര വിധത്തില്‍ സംഗീതം നമ്മളെ മറ്റൊരു മായാലോകത്തില്‍ എത്തിക്കുന്നു അല്ലേ...?
ഇത്രയുമൊക്കെ പറഞ്ഞുവന്നത്, എനിക്ക് വളരെയധികം പ്രിയപ്പെട്ട രണ്ടു പാട്ടുകള്‍ ഷെയര്‍ ചെയ്യാന്‍ വേണ്ടി ആണ്. ഇത് രണ്ടും ഫീമെയില്‍ ഗാനങ്ങള്‍ ആണ്. എനിക്ക് ഏറ്റവും പ്രിയപ്പെട്ട കുറെ പാട്ടുകള്‍ ശേഖരിച്ച് "Female Romantics" എന്നൊരു ഫോള്‍ഡറില്‍ സൂക്ഷിച്ചിട്ടുണ്ട്. എത്ര കേട്ടാലും മതിവരില്ല എന്നതാണ് അവയുടെ പ്രത്യേകത. മിക്കവാറും ഉറങ്ങാന്‍ കിടക്കുന്നത് തന്നെ ഈ ഫോള്‍ഡര്‍ ചെവിയിലേക്ക് തിരുകിക്കൊണ്ടാണ്. അതിലെ "വാര്‍മഴവില്ലേ...(മിഴിരണ്ടിലും)" എന്ന ഗാനം ആണ് ആണ് ഇപ്പോഴത്തെ എന്‍റെ പ്രധാന ഉറക്കഗുളിക.
ഇനി ഇന്നത്തെ രണ്ടു പാട്ടിലേക്ക് കടക്കാം. ഈ രണ്ടു പാട്ടുകള്‍ മാത്രമായി ഷെയര്‍ ചെയ്യാന്‍ കാരണമുണ്ട്. ഇവ രണ്ടും അധികം പ്രശസ്തമായ ചിത്രങ്ങളില്‍ ഉള്ളതല്ല. അതുകൊണ്ടുതന്നെ അധികമാരും കേട്ടുകാണാന്‍ വഴിയില്ല. പക്ഷെ കേട്ടാലും കേട്ടാലും മതിവരാത്ത ഈ രണ്ടു പാട്ടുകള്‍ നിങ്ങളും കേള്‍ക്കണം എന്ന് തോന്നി, അതുകൊണ്ട് ഷെയര്‍ ചെയ്യുകയാണ്...
1. "വെറുതെ ഇനിയും കാത്തു നില്‍പ്പൂ..."
ചിത്രം - അറിഞ്ഞുകൂടാ.
രചന - അറിയില്ല.
സംഗീതം - അതും അറിയില്ല.
ആലാപനം - അറിയില്ല.
പിന്നെ എന്തോന്ന് അറിയാം എന്ന് ചോദിച്ചാല്‍ പറയാനുള്ളത് - അതിമനോഹരമായ ഒരു പാട്ടാണ് ഇതെന്നു അറിയാം. പണ്ട് പണ്ട് 2002 ല്‍ "മീശമാധവന്‍ " എന്ന ചിത്രത്തിന്‍റെ പാട്ടുകള്‍ വന്ന കാസറ്റില്‍ നിന്ന് കളഞ്ഞു കിട്ടിയ പാട്ടാണ്. ആരൊക്കെയാണ് ഈ പാട്ടിന്‍റെ പിന്നിലുള്ളത് എന്ന് ഇന്നും അറിയില്ല. ഗൂഗിളില്‍ നോക്കിയിട്ടും കിട്ടുന്നില്ല.
ഏറ്റവും ആകര്‍ഷിച്ചത്, പാടുന്ന ശബ്ദവും, വരികളും, പിന്നെ ആ ബാക്ക്ഗ്രൗണ്ടില്‍ കേള്‍ക്കുന്ന വയലിന്‍ (അതോ ഓര്‍ഗന്‍ എന്നാണോ?) ശബ്ദവും ആണ്. പാട്ട് കേള്‍ക്കുമ്പോള്‍ മനോഹരമായ, മഞ്ഞുമൂടിക്കിടക്കുന്ന ഏതോ പുല്‍മേട്ടില്‍, മങ്ങിയ വെളിച്ചത്തില്‍ നിന്നു പാടുന്ന ഒരു മൂഡ്‌ ആണ്...
(പാട്ടിന്‍റെ പിന്നിലുള്ള ആളുകള്‍ ആരെന്നു അറിയാത്തതുകൊണ്ട് ഈ പാട്ട് നിങ്ങള്‍ക്ക്‌ കേള്‍ക്കാന്‍ വേണ്ടി പതുക്കെ പൊക്കിയെടുത്തു സൌണ്ട്ക്ലൌഡില്‍ ഇട്ടിട്ടുണ്ട്. ആരോടും പറയണ്ടാ ട്ടോ...?)
വരികള്‍ കൂടി പങ്കുവെയ്ക്കാം. വായിച്ചുനോക്കൂ... എവിടെയെങ്കിലും കേട്ടിട്ടുണ്ടോ ഈ പാട്ട്?
"വെറുതെ ഇനിയും കാത്തു നില്‍പ്പൂ
വിരഹ സന്ധ്യേ നിന്‍ പാട്ടു ഞാന്‍
ദൂരെയെങ്ങോ മറഞ്ഞു നീയും
വിലോലമായ്‌ നീ മൊഴിഞ്ഞ വാക്കും
പരിഭവങ്ങള്‍ പറഞ്ഞ മഴയും.
(വെറുതെയിനിയും...)
രാത്രിമേഘം പെയ്തൊഴിഞ്ഞു
രാഗവേണുവില്‍ ഹിന്ദോളമായി...
മണ്‍ചെരാതിന്‍ നാളമെല്ലാം
മിഴിയണഞ്ഞു നിശബ്ദമായ്...
തനിയെനില്‍ക്കും എന്‍ നെഞ്ചിലെ
കിളികരഞ്ഞു അരുണാര്‍ദ്രമായ്...
മടങ്ങിവരുമോ തൂവല്‍നിലാവേ...
(വെറുതെയിനിയും...)
മൂടല്‍മഞ്ഞില്‍ മാഞ്ഞുപോയി
സ്നേഹതാരം പോല്‍ നിന്മുഖം...
ഓര്‍മനീറും ജന്മമായി
ഇവിടെയിനിയും ഞാന്‍ മാത്രമായി...
വിരല്‍തലോടും നിന്‍വീണയില്‍
വിദുരമായി ശ്രീരാഗവും...
മടങ്ങിവരുമോ കാവല്‍നിലാവേ...
(വെറുതെയിനിയും...)"
സൌണ്ട്ക്ലൌഡില്‍ ഈ പാട്ട് കേള്‍ക്കാം -Listen at SoundCloud
2. "ഏതോ ജനുവരി മാസം..."
ചിത്രം - ഓര്‍ക്കുക വല്ലപ്പോഴും (ചിത്രത്തിന്‍റെ പേരാണ് - അഥവാ പേര് മറന്നാലും ഓര്‍ക്കും!)
രചന - ഗിരീഷ്‌ പുത്തഞ്ചേരി
സംഗീതം - എം.ജയചന്ദ്രന്‍
ആലാപനം - അറിയില്ല :-(
മുന്‍പൊരിക്കല്‍ ഏതോ എഫ്.എമ്മില്‍ കേട്ടതാണ് ഈ പാട്ട്. കേള്‍ക്കുന്ന പാട്ട് ഏതു ചിത്രത്തിലേത് ആണെന്ന് പറയുന്ന പരിപാടി അവര്‍ക്ക്‌ ഇല്ലല്ലോ... അതുമല്ല, പാട്ടിന്‍റെ രണ്ടു അറ്റവും മുറിച്ചുമാറ്റി ആണ് കേള്‍പ്പിക്കുന്നത്. എന്തായാലും, ഒറ്റ തവണ കേട്ടപ്പോള്‍ തന്നെ പാട്ട് മനസ്സില്‍ കയറിക്കൂടി. "ഏതോ ജനുവരി മാസം" എന്ന വരികള്‍ മനസ്സില്‍നിന്നു പോകുന്നില്ല... ഏതു ചിത്രമെന്നോ, ഒന്നും അറിയില്ലതന്നെ.
നമ്മുടെ സങ്കടം കേള്‍ക്കാന്‍ ഗൂഗിള്‍ തയ്യാറായിരുന്നു. വരികള്‍ പറഞ്ഞുതീരുംമുന്‍പേ ഗൂഗിള്‍ പാട്ടിനെ പൊക്കിയെടുത്തു എന്‍റെ കയ്യില്‍ ഇട്ടുതന്നു. അത് ഞാന്‍ സുരക്ഷിതമായി എന്‍റെ ഫോള്‍ഡറില്‍ നിക്ഷേപിച്ചു. അന്നുമുതല്‍ ഇന്ന് ഈ നിമിഷം വരെയും എന്‍റെ ഏറ്റവും പ്രിയപ്പെട്ട പാട്ടുകളില്‍ ഒന്നാണ് "ഏതോ ജനുവരി മാസം". നിങ്ങളും കേട്ടുനോക്കുന്നില്ലേ?
ഈ പാട്ടും സൌണ്ട്ക്ലൌഡില്‍ ഉണ്ട്. കേള്‍ക്കാം -- Listen at SoundCloud
അതെ, ഈ രണ്ടു പാട്ടുകൊണ്ട് തീരുന്നതല്ല സംഗീതം, അത് ഇനിയും ഇനിയും ഒരുപാട് ദൂരത്തില്‍ പരന്നു കിടക്കുന്നു... പണ്ട് ആരാരോ പറഞ്ഞപോലെ, "കേട്ട പാട്ടുകള്‍ മധുരതരം, കേള്‍ക്കാത്ത പാട്ടുകള്‍ അതിമധുരം" (പറഞ്ഞത് തെറ്റിയോ??? സംശയം ഉണ്ട്). എന്തായാലും, പുതിയ കാലം ആണ്, കോപ്പിയടി പാട്ടുകള്‍ ഒരുപാട് ഒരുപാട് ഉണ്ട്, അതിനിടയില്‍ ഇതുപോലെ അപൂര്‍വം ചില പാട്ടുകള്‍ആരുമറിയാതെ "കുപ്പയ്ക്കുള്ളിലെ മാണിക്യമായി" ആരുമറിയാതെ കടന്നുപോകുന്നു.
നിങ്ങള്‍ക്കും ഇതുപോലെ അധികം ആരും ശ്രദ്ധിക്കാത്ത, എന്നാല്‍ മനോഹരമായ ഗാനങ്ങള്‍ അറിയാമായിരിക്കുമല്ലോ... അവയെല്ലാം ഷെയര്‍ ചെയ്യുക... നമുക്കെല്ലാം ഒരുമിച്ചു ആസ്വദിക്കാം...!
എന്തൊക്കെ ആയാലും, നല്ല പാട്ടുകള്‍ കേട്ടാല്‍ നമ്മളെല്ലാം ആസ്വദിക്കും... സംഗീതത്തിനു നമ്മുടെ മാനസികാവസ്ഥ വളരെവേഗം മാറ്റിമറിക്കാനുള്ള ഒരു അപാരമായ കഴിവുണ്ട്. ചിലപ്പോഴൊക്കെ ഒരു അടിച്ചുപൊളി പാട്ട് കേള്‍ക്കുമ്പോള്‍ നമ്മള്‍ തന്നെ സ്വയം ഒരു ഭീമാകാരമായ സ്റ്റേജില്‍ നിന്ന് പാടുന്നതായും ആളുകളെല്ലാം നമ്മെ ആരാധനയോടെ നോക്കുന്നതായുമൊക്കെ സ്വപ്നം കാണാറില്ലേ??? മറ്റു ചിലപ്പോള്‍ മടി പിടിച്ചു കട്ടിലില്‍ കിടക്കുമ്പോള്‍ ഒരു മനോഹരമായ മെലഡി കേട്ടാല്‍ എവിടുന്നോ ഒരു ഉണര്‍വ് കിട്ടുന്നത് കാണാം.
പ്രണയിക്കുന്നവരുടെ കൂടെ എപ്പോഴും കാണും അവരുടെ മാത്രം സ്വകാര്യമായ ഒരു നൂറ്റമ്പത്‌ പാട്ടുകള്‍. കൂട്ടുകാരിയെ കാണാന്‍ കൊതിക്കുമ്പോള്‍ ഒരു പാട്ട്, പിണങ്ങിയിരിക്കുമ്പോള്‍ മറ്റൊരു പാട്ട് - അതും കൂട്ടുകാരി നമ്മുടെ മുഖത്ത് നോക്കി പാടുന്നതായി തന്നെ തോന്നും - പിന്നെ വിരഹത്തില്‍ നൊമ്പരപ്പെടുത്തുന്ന പാട്ടുകള്‍... അങ്ങനെ എത്രയെത്ര വിധത്തില്‍ സംഗീതം നമ്മളെ മറ്റൊരു മായാലോകത്തില്‍ എത്തിക്കുന്നു അല്ലേ...?
ഇത്രയുമൊക്കെ പറഞ്ഞുവന്നത്, എനിക്ക് വളരെയധികം പ്രിയപ്പെട്ട രണ്ടു പാട്ടുകള്‍ ഷെയര്‍ ചെയ്യാന്‍ വേണ്ടി ആണ്. ഇത് രണ്ടും ഫീമെയില്‍ ഗാനങ്ങള്‍ ആണ്. എനിക്ക് ഏറ്റവും പ്രിയപ്പെട്ട കുറെ പാട്ടുകള്‍ ശേഖരിച്ച് "Female Romantics" എന്നൊരു ഫോള്‍ഡറില്‍ സൂക്ഷിച്ചിട്ടുണ്ട്. എത്ര കേട്ടാലും മതിവരില്ല എന്നതാണ് അവയുടെ പ്രത്യേകത. മിക്കവാറും ഉറങ്ങാന്‍ കിടക്കുന്നത് തന്നെ ഈ ഫോള്‍ഡര്‍ ചെവിയിലേക്ക് തിരുകിക്കൊണ്ടാണ്. അതിലെ "വാര്‍മഴവില്ലേ...(മിഴിരണ്ടിലും)" എന്ന ഗാനം ആണ് ആണ് ഇപ്പോഴത്തെ എന്‍റെ പ്രധാന ഉറക്കഗുളിക.
ഇനി ഇന്നത്തെ രണ്ടു പാട്ടിലേക്ക് കടക്കാം. ഈ രണ്ടു പാട്ടുകള്‍ മാത്രമായി ഷെയര്‍ ചെയ്യാന്‍ കാരണമുണ്ട്. ഇവ രണ്ടും അധികം പ്രശസ്തമായ ചിത്രങ്ങളില്‍ ഉള്ളതല്ല. അതുകൊണ്ടുതന്നെ അധികമാരും കേട്ടുകാണാന്‍ വഴിയില്ല. പക്ഷെ കേട്ടാലും കേട്ടാലും മതിവരാത്ത ഈ രണ്ടു പാട്ടുകള്‍ നിങ്ങളും കേള്‍ക്കണം എന്ന് തോന്നി, അതുകൊണ്ട് ഷെയര്‍ ചെയ്യുകയാണ്...
1. "വെറുതെ ഇനിയും കാത്തു നില്‍പ്പൂ..."
ചിത്രം - അറിഞ്ഞുകൂടാ.
രചന - അറിയില്ല.
സംഗീതം - അതും അറിയില്ല.
ആലാപനം - അറിയില്ല.
പിന്നെ എന്തോന്ന് അറിയാം എന്ന് ചോദിച്ചാല്‍ പറയാനുള്ളത് - അതിമനോഹരമായ ഒരു പാട്ടാണ് ഇതെന്നു അറിയാം. പണ്ട് പണ്ട് 2002 ല്‍ "മീശമാധവന്‍ " എന്ന ചിത്രത്തിന്‍റെ പാട്ടുകള്‍ വന്ന കാസറ്റില്‍ നിന്ന് കളഞ്ഞു കിട്ടിയ പാട്ടാണ്. ആരൊക്കെയാണ് ഈ പാട്ടിന്‍റെ പിന്നിലുള്ളത് എന്ന് ഇന്നും അറിയില്ല. ഗൂഗിളില്‍ നോക്കിയിട്ടും കിട്ടുന്നില്ല.
ഏറ്റവും ആകര്‍ഷിച്ചത്, പാടുന്ന ശബ്ദവും, വരികളും, പിന്നെ ആ ബാക്ക്ഗ്രൗണ്ടില്‍ കേള്‍ക്കുന്ന വയലിന്‍ (അതോ ഓര്‍ഗന്‍ എന്നാണോ?) ശബ്ദവും ആണ്. പാട്ട് കേള്‍ക്കുമ്പോള്‍ മനോഹരമായ, മഞ്ഞുമൂടിക്കിടക്കുന്ന ഏതോ പുല്‍മേട്ടില്‍, മങ്ങിയ വെളിച്ചത്തില്‍ നിന്നു പാടുന്ന ഒരു മൂഡ്‌ ആണ്...
(പാട്ടിന്‍റെ പിന്നിലുള്ള ആളുകള്‍ ആരെന്നു അറിയാത്തതുകൊണ്ട് ഈ പാട്ട് നിങ്ങള്‍ക്ക്‌ കേള്‍ക്കാന്‍ വേണ്ടി പതുക്കെ പൊക്കിയെടുത്തു സൌണ്ട്ക്ലൌഡില്‍ ഇട്ടിട്ടുണ്ട്. ആരോടും പറയണ്ടാ ട്ടോ...?)
വരികള്‍ കൂടി പങ്കുവെയ്ക്കാം. വായിച്ചുനോക്കൂ... എവിടെയെങ്കിലും കേട്ടിട്ടുണ്ടോ ഈ പാട്ട്?
"വെറുതെ ഇനിയും കാത്തു നില്‍പ്പൂ
വിരഹ സന്ധ്യേ നിന്‍ പാട്ടു ഞാന്‍
ദൂരെയെങ്ങോ മറഞ്ഞു നീയും
വിലോലമായ്‌ നീ മൊഴിഞ്ഞ വാക്കും
പരിഭവങ്ങള്‍ പറഞ്ഞ മഴയും.
(വെറുതെയിനിയും...)
രാത്രിമേഘം പെയ്തൊഴിഞ്ഞു
രാഗവേണുവില്‍ ഹിന്ദോളമായി...
മണ്‍ചെരാതിന്‍ നാളമെല്ലാം
മിഴിയണഞ്ഞു നിശബ്ദമായ്...
തനിയെനില്‍ക്കും എന്‍ നെഞ്ചിലെ
കിളികരഞ്ഞു അരുണാര്‍ദ്രമായ്...
മടങ്ങിവരുമോ തൂവല്‍നിലാവേ...
(വെറുതെയിനിയും...)
മൂടല്‍മഞ്ഞില്‍ മാഞ്ഞുപോയി
സ്നേഹതാരം പോല്‍ നിന്മുഖം...
ഓര്‍മനീറും ജന്മമായി
ഇവിടെയിനിയും ഞാന്‍ മാത്രമായി...
വിരല്‍തലോടും നിന്‍വീണയില്‍
വിദുരമായി ശ്രീരാഗവും...
മടങ്ങിവരുമോ കാവല്‍നിലാവേ...
(വെറുതെയിനിയും...)"
സൌണ്ട്ക്ലൌഡില്‍ ഈ പാട്ട് കേള്‍ക്കാം -Listen at SoundCloud
2. "ഏതോ ജനുവരി മാസം..."
ചിത്രം - ഓര്‍ക്കുക വല്ലപ്പോഴും (ചിത്രത്തിന്‍റെ പേരാണ് - അഥവാ പേര് മറന്നാലും ഓര്‍ക്കും!)
രചന - ഗിരീഷ്‌ പുത്തഞ്ചേരി
സംഗീതം - എം.ജയചന്ദ്രന്‍
ആലാപനം - അറിയില്ല :-(
മുന്‍പൊരിക്കല്‍ ഏതോ എഫ്.എമ്മില്‍ കേട്ടതാണ് ഈ പാട്ട്. കേള്‍ക്കുന്ന പാട്ട് ഏതു ചിത്രത്തിലേത് ആണെന്ന് പറയുന്ന പരിപാടി അവര്‍ക്ക്‌ ഇല്ലല്ലോ... അതുമല്ല, പാട്ടിന്‍റെ രണ്ടു അറ്റവും മുറിച്ചുമാറ്റി ആണ് കേള്‍പ്പിക്കുന്നത്. എന്തായാലും, ഒറ്റ തവണ കേട്ടപ്പോള്‍ തന്നെ പാട്ട് മനസ്സില്‍ കയറിക്കൂടി. "ഏതോ ജനുവരി മാസം" എന്ന വരികള്‍ മനസ്സില്‍നിന്നു പോകുന്നില്ല... ഏതു ചിത്രമെന്നോ, ഒന്നും അറിയില്ലതന്നെ.
നമ്മുടെ സങ്കടം കേള്‍ക്കാന്‍ ഗൂഗിള്‍ തയ്യാറായിരുന്നു. വരികള്‍ പറഞ്ഞുതീരുംമുന്‍പേ ഗൂഗിള്‍ പാട്ടിനെ പൊക്കിയെടുത്തു എന്‍റെ കയ്യില്‍ ഇട്ടുതന്നു. അത് ഞാന്‍ സുരക്ഷിതമായി എന്‍റെ ഫോള്‍ഡറില്‍ നിക്ഷേപിച്ചു. അന്നുമുതല്‍ ഇന്ന് ഈ നിമിഷം വരെയും എന്‍റെ ഏറ്റവും പ്രിയപ്പെട്ട പാട്ടുകളില്‍ ഒന്നാണ് "ഏതോ ജനുവരി മാസം". നിങ്ങളും കേട്ടുനോക്കുന്നില്ലേ?
ഈ പാട്ടും സൌണ്ട്ക്ലൌഡില്‍ ഉണ്ട്. കേള്‍ക്കാം -- Listen at SoundCloud
അതെ, ഈ രണ്ടു പാട്ടുകൊണ്ട് തീരുന്നതല്ല സംഗീതം, അത് ഇനിയും ഇനിയും ഒരുപാട് ദൂരത്തില്‍ പരന്നു കിടക്കുന്നു... പണ്ട് ആരാരോ പറഞ്ഞപോലെ, "കേട്ട പാട്ടുകള്‍ മധുരതരം, കേള്‍ക്കാത്ത പാട്ടുകള്‍ അതിമധുരം" (പറഞ്ഞത് തെറ്റിയോ??? സംശയം ഉണ്ട്). എന്തായാലും, പുതിയ കാലം ആണ്, കോപ്പിയടി പാട്ടുകള്‍ ഒരുപാട് ഒരുപാട് ഉണ്ട്, അതിനിടയില്‍ ഇതുപോലെ അപൂര്‍വം ചില പാട്ടുകള്‍ആരുമറിയാതെ "കുപ്പയ്ക്കുള്ളിലെ മാണിക്യമായി" ആരുമറിയാതെ കടന്നുപോകുന്നു.
നിങ്ങള്‍ക്കും ഇതുപോലെ അധികം ആരും ശ്രദ്ധിക്കാത്ത, എന്നാല്‍ മനോഹരമായ ഗാനങ്ങള്‍ അറിയാമായിരിക്കുമല്ലോ... അവയെല്ലാം ഷെയര്‍ ചെയ്യുക... നമുക്കെല്ലാം ഒരുമിച്ചു ആസ്വദിക്കാം...!
Monday, April 23, 2012
22 വയസുള്ള കോട്ടയംകാരി - അത് കലക്കി...!
ഈ ഏപ്രില്‍ 22 നു ഞാനും കൂട്ടുകാരും കൂടി 22 ഫീമെയില്‍ കോട്ടയം കാണാന്‍ തീരുമാനിച്ചു. ടിക്കറ്റ്‌ നേരത്തെ ഓണ്‍ലൈന്‍ ആയി ബുക്ക്‌ ചെയ്തതുകൊണ്ട് തിരുവനന്തപുരം കൈരളിയില്‍ സീറ്റ്‌ കിട്ടി. രാവിലത്തെ ഷോ കാണാന്‍ കൈരളിയില്‍ ചെന്ന് കയറുമ്പോള്‍ വമ്പന്‍ തിരക്ക്. സ്ത്രീകളുടെ ക്യൂ ടിക്കറ്റ്‌ കൌണ്ടറില്‍ നിന്നും പുറത്തേക്കിറങ്ങി വളഞ്ഞു പുളഞ്ഞു തിരികെ തീയേറ്ററിന്റെ ഉള്ളില്‍ ആണ് അവസാനിച്ചത്.
ബാല്‍ക്കണിയില്‍ ഞങ്ങള്‍ ഉള്‍പ്പെടെ വളരെ ചുരുക്കം ആണുങ്ങള്‍ മാത്രം. തൊണ്ണൂറ്റി അഞ്ചു ശതമാനവും പെണ്ണുങ്ങള്‍ തന്നെയാണ് ഈ ചിത്രത്തിന്‍റെ പ്രേക്ഷകര്‍. ഷോ കഴിഞ്ഞു പുറത്തിറങ്ങുമ്പോള്‍ അടുത്ത ഷോ കാണാന്‍ നില്‍ക്കുന്ന ആളുകളുടെ തിരക്ക് കണ്ട് "കേരളത്തില്‍ ഇത്രയധികം സ്ത്രീകള്‍ ഉണ്ടോ" എന്നുപോലും ഞാന്‍ സംശയിച്ചു!
ഇനി ചിത്രത്തെ കുറിച്ച് പറയാം.
ടെസ്സ കെ അബ്രഹാം എന്ന കോട്ടയംകാരി നേഴ്സിന്റെ ബാംഗ്ലൂര്‍ ജീവിതത്തിന്‍റെ കഥയാണ് ഇതെന്നും എല്ലാവര്ക്കും ഇതിനോടകം തന്നെ അറിയാമല്ലോ, അവള്‍ നേരിടുന്ന ദുരനുഭവങ്ങളുടെ കഥ. ചിത്രം കണ്ട് തിരികെ പോരുമ്പോള്‍ ടെസ്സ ആയിരുന്നു മനസ് നിറയെ. അത്രയും ഭംഗിയായി, പക്വമായി ചിത്രം അനുഭവപ്പെട്ടു. (ഒരുപാട് വലിയ പാരഗ്രഫ് ആയി എഴുതിയാല്‍ വായിക്കാന്‍ പ്രയാസം
ആയതുകൊണ്ട് ഓരോരോ "പോയിന്‍റ്" ആയിട്ട് പറയാം)
സംവിധായകന്‍ ആഷിഖ്‌ അബു
റിമ കല്ലിംഗല്‍
ഫഹദ്‌ ഫാസില്‍
22 Female Kottayam എന്ന ചിത്രം
ചില അപവാദങ്ങള്‍ ചിത്രത്തെ കുറിച്ച് പലയിടത്തും വായിക്കുകയും കേള്‍ക്കുകയും ചെയ്തിരുന്നു.
പക്ഷെ, ചിത്രം കണ്ടുകഴിഞ്ഞപ്പോള്‍ എന്‍റെ അഭിപ്രായങ്ങള് ഇങ്ങനെയാണ് :
അവസാന വാക്ക്
ചുരുക്കി പറഞ്ഞാല്‍, പെണ്‍കുട്ടികളുടെ പ്രശ്നങ്ങള്‍ ചര്‍ച്ച ചെയ്യുന്ന, വളരെ നല്ല ഒരു ചിത്രം തന്നെയാണ് 22 ഫീമെയില്‍ കോട്ടയം. ആണ് പെണ്‍ വ്യത്യാസമില്ലാതെ എല്ലാ ചെറുപ്പക്കാരും ഉറപ്പായും കണ്ടിരിക്കേണ്ട ഒരു ചിത്രം.
ഈ ചിത്രം കണ്ടു കഴിഞ്ഞു പുറത്തിറങ്ങുമ്പോള്‍ ടെസ്സ അബ്രഹാം നിങ്ങളുടെ കൂടെ വന്നിട്ടുണ്ടെങ്കില്‍, ഉറപ്പായും നിങ്ങള്‍ ജീവിതത്തില്‍ എവിടെയോ ഒരു ടെസ്സയെ കണ്ടിട്ടുണ്ട്, അല്ലെങ്കില്‍ അറിഞ്ഞിട്ടുണ്ട്, അവള്‍ക്കു വേണ്ടി നിങ്ങള്‍ പ്രാര്‍ഥിച്ചിട്ടുണ്ട്..!
ബാല്‍ക്കണിയില്‍ ഞങ്ങള്‍ ഉള്‍പ്പെടെ വളരെ ചുരുക്കം ആണുങ്ങള്‍ മാത്രം. തൊണ്ണൂറ്റി അഞ്ചു ശതമാനവും പെണ്ണുങ്ങള്‍ തന്നെയാണ് ഈ ചിത്രത്തിന്‍റെ പ്രേക്ഷകര്‍. ഷോ കഴിഞ്ഞു പുറത്തിറങ്ങുമ്പോള്‍ അടുത്ത ഷോ കാണാന്‍ നില്‍ക്കുന്ന ആളുകളുടെ തിരക്ക് കണ്ട് "കേരളത്തില്‍ ഇത്രയധികം സ്ത്രീകള്‍ ഉണ്ടോ" എന്നുപോലും ഞാന്‍ സംശയിച്ചു!
ഇനി ചിത്രത്തെ കുറിച്ച് പറയാം.
ടെസ്സ കെ അബ്രഹാം എന്ന കോട്ടയംകാരി നേഴ്സിന്റെ ബാംഗ്ലൂര്‍ ജീവിതത്തിന്‍റെ കഥയാണ് ഇതെന്നും എല്ലാവര്ക്കും ഇതിനോടകം തന്നെ അറിയാമല്ലോ, അവള്‍ നേരിടുന്ന ദുരനുഭവങ്ങളുടെ കഥ. ചിത്രം കണ്ട് തിരികെ പോരുമ്പോള്‍ ടെസ്സ ആയിരുന്നു മനസ് നിറയെ. അത്രയും ഭംഗിയായി, പക്വമായി ചിത്രം അനുഭവപ്പെട്ടു. (ഒരുപാട് വലിയ പാരഗ്രഫ് ആയി എഴുതിയാല്‍ വായിക്കാന്‍ പ്രയാസം
ആയതുകൊണ്ട് ഓരോരോ "പോയിന്‍റ്" ആയിട്ട് പറയാം)
സംവിധായകന്‍ ആഷിഖ്‌ അബു
- മറ്റു മുതിര്‍ന്ന സംവിധായകര്‍ പോലും ഇതുവരെ പറയാത്ത ഇത്രയും "ഭീകരമായ" ഒരു കഥ പറയാന്‍ ഈ ചെറുപ്പത്തിലേ ആഷിഖ്‌ അബു കാണിച്ച ധൈര്യം സമ്മതിക്കണം.
- സോഷ്യല്‍ മീഡിയ എന്നത് മാര്‍ക്കറ്റിംഗ് നടത്താന്‍ വളരെ വളരെ ശക്തമായ ഒരു മാധ്യമം ആണെന്ന് തിരിച്ചറിഞ്ഞ് ആ വഴിയിലൂടെ നീങ്ങി. അത് കാലത്തിനനുസരിച്ചുള്ള "ബുദ്ധിയും വിവേകവും" ആണ്.
റിമ കല്ലിംഗല്‍
- ഇത്രയും ശക്തമായ ഈ കഥാപാത്രം അവതരിപ്പിക്കാന്‍ കാണിച്ച ധൈര്യം - അത് സമ്മതിച്ചേ പറ്റുള്ളൂ.
- ടെസ്സയെ വളരെ വളരെ മനോഹരമായും പക്വമായും അവതരിപ്പിച്ചിരിക്കുന്നു - ഒരു നടി എന്ന നിലയില്‍ റീമയുടെ കരിയറില്‍ ഇത് എന്നും എന്നും ഒരു മുതല്‍ക്കൂട്ട് തന്നെയാണ്. സിനിമ തീര്‍ന്നാലും ടെസ്സ അബ്രഹാം മനസ് വിട്ടു പോകില്ല... അത് റീമയുടെ അഭിനയത്തിന്‍റെ മികവാണ്.
ഫഹദ്‌ ഫാസില്‍
- ഒരു സ്ത്രീ പക്ഷ ചിത്രത്തില്‍ ഇത്തരത്തില്‍ ഒരു റോള്‍ ചെയ്യാന്‍ ഫഹദ്‌ തയ്യാറായി എന്നത് നല്ലൊരു കാര്യമാണ്.
22 Female Kottayam എന്ന ചിത്രം
- സൂപ്പര്‍ താരങ്ങളും "തമ്പുരാന്‍" മോഡല്‍ ചിത്രങ്ങളും പോയിരുന്നു കണ്ടു കയ്യടിക്കാന്‍ ഇനി മലയാളികളെ കിട്ടില്ല എന്നതിന് നല്ലൊരു തെളിവാണ് ഈ ചിത്രം കാണാനുള്ള ജനത്തിരക്ക്‌ കാണിക്കുന്നത്.
- മലയാള സിനിമ മൊത്തത്തില്‍ ഒരു പുതിയ പാതയില്‍ ആണ് - പച്ചയായ ജീവിതം ആണ് ഇപ്പോള്‍ ഇറങ്ങിയ പല ചിത്രങ്ങളും പറയുന്നത്. അതില്‍ ഒന്നാണ് 22FK.
ചില അപവാദങ്ങള്‍ ചിത്രത്തെ കുറിച്ച് പലയിടത്തും വായിക്കുകയും കേള്‍ക്കുകയും ചെയ്തിരുന്നു.
പക്ഷെ, ചിത്രം കണ്ടുകഴിഞ്ഞപ്പോള്‍ എന്‍റെ അഭിപ്രായങ്ങള് ഇങ്ങനെയാണ് :
- ഇത് ഒരിക്കലും ഒരു "ഫെമിനിസ്റ്റ്‌" ചിത്രം അല്ല, മറിച്ച് സ്ത്രീകളുടെ പ്രശ്നങ്ങള്‍ തുറന്നു കാട്ടുന്ന ഒരു ചിത്രം ആണ്.
- കോട്ടയത്ത്‌ നിന്നും നഴ്സിംഗ് പഠിക്കാന്‍ പോകുന്ന എല്ലാ പെണ്‍കുട്ടികളും കണ്ടവന്മാരുടെ കൂടെ പോകുന്നവര്‍ ആണെന്ന് ചിത്രം പറയുന്നില്ല. മറിച്ച്, ഇമ്മാതിരി ദുരനുഭവങ്ങള്‍ നേരിടുന്ന അനേകം പെണ്‍കുട്ടികളില്‍ ഒരാള്‍ മാത്രമാണ് ചിത്രത്തിലെ ടെസ്സ, ആ കുട്ടി ഒരു നഴ്സ് ആണ് എന്ന് മാത്രം.
- "ടെസ്സ അവള്‍ക്ക് വിസ ശെരിയാക്കി കൊടുത്തതുകൊണ്ട് "പ്രത്യുപകാരം" ആയിട്ടാണ് സിറിളിന്റെ കൂടെ പോയത്‌" എന്നൊരു അഭിപ്രായം കേട്ടു. എനിക്ക് മനസിലായിടത്തോളം, ടെസ്സ അവനെ സത്യമായും ആത്മാര്‍ഥമായും സ്നേഹിച്ചത് തന്നെയാണ്. അതുകൊണ്ട് തന്നെയാണ് ആദ്യമേ അവള്‍ കന്യക അല്ല എന്ന സത്യം അവനോടു തുറന്നു പറഞ്ഞതും. അല്ലെങ്കില്‍പ്പിന്നെ ആ സത്യം അവള്‍ക്കു തുറന്നു പറയേണ്ട ആവശ്യമില്ലല്ലോ!
- ടെസ്സ എന്ന ഒറ്റ പെണ്‍കുട്ടിയുടെ വെറുമൊരു പ്രതികാരത്തിന്റെ കഥ മാത്രം അല്ല ഈ ചിത്രം. അതിനേക്കാളുപരി, ഇത്തരത്തില്‍ പീഡനം അനുഭവിക്കുന്ന ലക്ഷക്കണക്കിന് പെണ്‍കുട്ടികളുടെ ഒരു പ്രതിരൂപം ആണ് ടെസ്സ അബ്രഹാം.
- ആണുങ്ങളെ കമന്റ് അടിക്കുന്ന പെണ്ണുങ്ങള്‍ ഉണ്ടോ എന്ന ചോദ്യം - തീര്‍ച്ചയായും ഉണ്ട് എന്നതാണ് ഉത്തരം, കാരണം, ആണുങ്ങളെ പോലെ തന്നെ പെണ്ണുങ്ങളും വായിനോക്കും, കമന്റ് അടിക്കുകയും ചെയ്യും, പക്ഷെ നമ്മളെ പോലെ മൈക്ക്‌ വെച്ച് മൂന്നു കിലോമീറ്റര്‍ ദൂരത്തില്‍ കേള്‍ക്കുംവിധം "അളിയാ ദേ ഒരു പെണ്ണ്" എന്ന് വിളിക്കില്ല എന്ന് മാത്രം. (സ്ത്രീ സുഹൃത്തുക്കള്‍ ഉള്ള ആണുങ്ങള്‍ ഒരിക്കലും ഇമ്മാതിരി ചോദ്യം ചോദിക്കില്ല!)
- കുടുംബത്തോടെ കാണാന്‍ പറ്റിയ ചിത്രം അല്ല എന്നത് സത്യം തന്നെ. എല്ലാ ചിത്രങ്ങളും കുടുംബത്തോടെ കാണാന്‍ ഉള്ളത് അല്ലല്ലോ. എല്ലാ പുസ്തകങ്ങളും കുടുംബത്തോടെ വായിക്കാന്‍ പറ്റിയവ ആണോ? അല്ലല്ലോ? "പുസ്തകം" പോലെ ഒരു മാധ്യമം ആണ് സിനിമയും. അത്രേയുള്ളൂ.
- മോശമായ സംഭാഷണങ്ങള്‍ ആണ് ചിത്രത്തില്‍ എന്ന് ഞാന്‍ കരുതുന്നില്ല, കാരണം, ഇപ്പൊ എല്ലാരും ഇങ്ങനെ ഒക്കെ തന്നെ അല്ലെ സംസാരിക്കുന്നത്? അത് സിനിമയില്‍ വരുമ്പോള്‍ മാത്രം കുറ്റം പറയേണ്ട ആവശ്യം ഇല്ലല്ലോ.
- --- (ബാക്കി വരുന്ന മുറയ്ക്ക് ചേര്‍ക്കുന്നതാണ്) ---
അവസാന വാക്ക്
ചുരുക്കി പറഞ്ഞാല്‍, പെണ്‍കുട്ടികളുടെ പ്രശ്നങ്ങള്‍ ചര്‍ച്ച ചെയ്യുന്ന, വളരെ നല്ല ഒരു ചിത്രം തന്നെയാണ് 22 ഫീമെയില്‍ കോട്ടയം. ആണ് പെണ്‍ വ്യത്യാസമില്ലാതെ എല്ലാ ചെറുപ്പക്കാരും ഉറപ്പായും കണ്ടിരിക്കേണ്ട ഒരു ചിത്രം.
ഈ ചിത്രം കണ്ടു കഴിഞ്ഞു പുറത്തിറങ്ങുമ്പോള്‍ ടെസ്സ അബ്രഹാം നിങ്ങളുടെ കൂടെ വന്നിട്ടുണ്ടെങ്കില്‍, ഉറപ്പായും നിങ്ങള്‍ ജീവിതത്തില്‍ എവിടെയോ ഒരു ടെസ്സയെ കണ്ടിട്ടുണ്ട്, അല്ലെങ്കില്‍ അറിഞ്ഞിട്ടുണ്ട്, അവള്‍ക്കു വേണ്ടി നിങ്ങള്‍ പ്രാര്‍ഥിച്ചിട്ടുണ്ട്..!
Saturday, April 14, 2012
എന്താണ് പി.എസ്.സി പരീക്ഷകളുടെ ഉദ്ദേശ്യം...? എനിക്ക് അങ്ങട് മനസിലാകുന്നില്ല...!
(വര്‍ഷങ്ങളായി എന്‍റെ മനസ്സില്‍ നിലനില്‍ക്കുന്ന ഉത്തരം കിട്ടാത്ത ഒരു ചോദ്യത്തിന്‍റെ ഉത്തരം തേടിയുള്ള ഒരു പോസ്റ്റ്‌ ആണ് ഇത്. ഇതിന്റെ ഉത്തരം അഥവാ ന്യായീകരണം നിങ്ങള്‍ക്ക്‌ അറിയാമെങ്കില്‍ എന്‍റെ അറിവില്ലായ്മയെ ക്ഷമിച്ചു പറഞ്ഞു തരുക.)
പതിനെട്ടു വയസു കഴിഞ്ഞത് മുതലേ കേള്‍ക്കുന്നതാണ് പി.എസ്.സി ടെസ്റ്റ്‌ എന്ന്... സര്‍ക്കാര്‍ ജോലി നേടണമെങ്കില്‍ പി.എസ്.സി ടെസ്റ്റ്‌ എഴുതണമെന്നും അതിനു നന്നായി പഠിക്കണമെന്നും പിന്നീട് മനസിലാക്കുന്നു. പക്ഷെ മനസിലാകാത്തത് മറ്റൊരു കാര്യമാണ്.
താഴെ പറയുന്നവ പല എല്‍.ഡി.ക്ലര്‍ക്ക്‌, ഫയര്‍മാന്‍ പരീക്ഷകളില്‍ നിന്നും എടുത്ത ചില ചോദ്യങ്ങള്‍ ആണ്.
- അമേരിക്കയിലെ ഏത് പട്ടണത്തിലാണ് തോമസ്‌ അല്‍വ എഡിസണ്‍ ജനിച്ചത്‌ ?
- 1792 ലെ ശ്രീരംഗ പട്ടണം ഉടമ്പടി ആരൊക്കെ തമ്മിലായിരുന്നു ?
- കേരളത്തിലെ ആദ്യ റോക്ക് ഗാര്‍ഡന്‍ സ്ഥിതി ചെയ്യുന്നതെവിടെ ?
- വിവിധയിനം മണ്ണുകളെ കുറിച്ചുള്ള പഠനം?
- How many times the sun is bigger than the earth?
- തമിഴ് നാട്ടിലെ ക്ഷേത്രങ്ങളുടെ പ്രത്യേകതയായ ഗോപുരങ്ങള്‍ ആരുടെ കാലത്താണ് നിലവില്‍ വന്നത്?
- ചൈന മാന്‍ എന്ന പദം ബന്ധപെട്ടിരികുന്ന കളി ?
മുകളില്‍ പറഞ്ഞ കാര്യങ്ങളെല്ലാം ശെരിയായ ഉത്തരം നല്‍കിയാല്‍ മാത്രമേ സര്‍ക്കാര്‍ ജോലി കിട്ടുള്ളൂ.
എനിക്ക് മനസിലാകാത്തത് - മുകളില്‍ പറഞ്ഞ കാര്യങ്ങള്‍ ഒക്കെ അറിഞ്ഞാല്‍ അത് ആ ജോലിയില്‍ എന്തെങ്കിലും ഉപയോഗം ഉണ്ടായിട്ടാണോ ഇതൊക്കെ ചോദിക്കുന്നത്? പിന്നെ, ഇതെല്ലാം അറിയാവുന്ന ഒരാള്‍ ആ ജോലിക്ക് കയറിയാല്‍ പൊതു ജനങ്ങള്‍ക്ക് അതി മഹത്തരമായ സേവനം നല്‍കും എന്നാണോ?
ക്ലര്‍ക്ക്‌ ആകുന്ന വ്യക്തിക്ക് സാമാന്യ ലോക വിജ്ഞാനവും അതിന്റെ കൂടെ ആ ജോലിയില്‍ ചെയ്യേണ്ടിവരുന്ന കാര്യങ്ങളിലും ഉള്ള അറിവ് അല്ലെ പരിശോധിക്കേണ്ടത്? ക്ലറിക്കല്‍ ജോലി ചെയ്യുന്ന ഡിപ്പാര്‍ട്ട്മെന്‍റ് എന്തൊക്കെ പ്രവര്‍ത്തനം ആണ് ചെയ്യുന്നതെന്നും, അവിടത്തെ നടപടിക്രമങ്ങള്‍ എന്തൊക്കെ എന്നും അയാള്‍ക്ക് അറിയാമോ എന്നല്ലേ പരിശോധിക്കാനുള്ളത്? അല്ലാതെ സൂര്യന് ഭൂമിയുടെ എത്ര വലിപ്പം ഉണ്ടെന്നും, എഡിസന്‍ അമേരിക്കയില്‍ എവിടെ ജനിച്ചെന്നും, തമിഴ്നാട്ടിലെ അഞ്ചാം നൂറ്റാണ്ടിലെ രാജാവിന്‍റെ രണ്ടാമത്തെ മകന്‍റെ ഭാര്യ ആരെന്നുമൊക്കെ അറിയാമോ എന്ന് പരീക്ഷ നടത്തി പരിശോധിക്കുന്നത് എന്ത് ഉദ്ദേശത്തിലാണ്? ഓര്‍മശക്തി ഉള്ളവന് മാത്രം സര്‍ക്കാര്‍ ജോലി എന്നാണോ?
ഈ ചോദ്യത്തിന് എനിക്ക് ഒരിക്കല്‍ കിട്ടിയ മറുപടി ഇതാണ് - "ലക്ഷക്കണക്കിന് ആളുകള്‍ പരീക്ഷ എഴുതാന്‍ ഉണ്ടല്ലോ, അവരെ അളക്കുവാന്‍ എന്തെങ്കിലും ഒരു മാനദണ്ഡം വേണ്ടേ...?"
അങ്ങനെയെങ്കില്‍, ഇതുമാതിരി പടിച്ചിട്ടോ അറിഞ്ഞിട്ടോ ജോലിസ്ഥലത്ത് ഉപകരിക്കാത്ത ചോദ്യങ്ങള്‍ എടുത്തു കളഞ്ഞിട്ട് ജോലിയില്‍ ഉപകരിക്കുന്ന അറിവുകള്‍ മാത്രം ചോദിച്ചാല്‍ പോരെ? ചരിത്രം മുഴുവന്‍ അരച്ച് കലക്കി കുടിച്ചിട്ട് പരീക്ഷ പാസായി സര്‍വേയര്‍ ആയി ജോലിക്ക് കേറുന്ന ആളിന് ചരിത്രം കൊണ്ട് ഒരു ഉപയോഗവും ഉണ്ടാകാന്‍ പോകുന്നില്ല. മറിച്ചു ഒരു വലിയ ഭൂമി തെറ്റില്ലാതെ അളക്കാന്‍ കഴിഞ്ഞാല്‍ അയാളുടെ ജോലിയില്‍ ഉപയോഗം ഉണ്ട്.
എനിക്ക് പറയാനുള്ളത് ഇതാണ് - പൊതുജനങ്ങളെ സേവിക്കാന്‍ വേണ്ടി സര്‍ക്കാര്‍ സര്‍വീസിലേക്ക് ആളുകളെ തിരഞ്ഞെടുക്കുമ്പോള്‍ ഉപയോഗമുള്ള രീതിയില്‍ പരീക്ഷ നടത്തി തിരഞ്ഞെടുക്കുക. അല്ലാതെ എഴുതുന്നവര്‍ക്കോ ജോലിയില്‍ പ്രവേശിക്കുന്നവര്‍ക്കോ യാതൊരു ഉപയോഗവുമില്ലാതെ ഇങ്ങനെ പരീക്ഷ നടത്തരുത്.
വാല്‍ക്കഷ്ണം: എഴുത്ത് പരീക്ഷയില്‍ അങ്ങനെ ചരിത്രവും മറ്റു പുലബന്ധം പോലുമില്ലാത്ത വിഷയങ്ങളും പഠിക്കുന്നതില്‍ എന്തെങ്കിലും ഉപയാഗം ഉണ്ടെന്നാണ് എങ്കില്‍, ഇനിമുതല്‍ ഡ്രൈവിംഗ് ലൈസന്‍സ് ടെസ്റ്റില്‍ ചരിത്രവും ഭൂമിശാസ്ത്രവും ജ്യാമിതിയും ബീജഗണിതവും കൂടി ഉള്‍പ്പെടുത്തണമെന്ന് ഞാന്‍ ശുപാര്‍ശ ചെയ്യുന്നു.
പതിനെട്ടു വയസു കഴിഞ്ഞത് മുതലേ കേള്‍ക്കുന്നതാണ് പി.എസ്.സി ടെസ്റ്റ്‌ എന്ന്... സര്‍ക്കാര്‍ ജോലി നേടണമെങ്കില്‍ പി.എസ്.സി ടെസ്റ്റ്‌ എഴുതണമെന്നും അതിനു നന്നായി പഠിക്കണമെന്നും പിന്നീട് മനസിലാക്കുന്നു. പക്ഷെ മനസിലാകാത്തത് മറ്റൊരു കാര്യമാണ്.
താഴെ പറയുന്നവ പല എല്‍.ഡി.ക്ലര്‍ക്ക്‌, ഫയര്‍മാന്‍ പരീക്ഷകളില്‍ നിന്നും എടുത്ത ചില ചോദ്യങ്ങള്‍ ആണ്.
- അമേരിക്കയിലെ ഏത് പട്ടണത്തിലാണ് തോമസ്‌ അല്‍വ എഡിസണ്‍ ജനിച്ചത്‌ ?
- 1792 ലെ ശ്രീരംഗ പട്ടണം ഉടമ്പടി ആരൊക്കെ തമ്മിലായിരുന്നു ?
- കേരളത്തിലെ ആദ്യ റോക്ക് ഗാര്‍ഡന്‍ സ്ഥിതി ചെയ്യുന്നതെവിടെ ?
- വിവിധയിനം മണ്ണുകളെ കുറിച്ചുള്ള പഠനം?
- How many times the sun is bigger than the earth?
- തമിഴ് നാട്ടിലെ ക്ഷേത്രങ്ങളുടെ പ്രത്യേകതയായ ഗോപുരങ്ങള്‍ ആരുടെ കാലത്താണ് നിലവില്‍ വന്നത്?
- ചൈന മാന്‍ എന്ന പദം ബന്ധപെട്ടിരികുന്ന കളി ?
മുകളില്‍ പറഞ്ഞ കാര്യങ്ങളെല്ലാം ശെരിയായ ഉത്തരം നല്‍കിയാല്‍ മാത്രമേ സര്‍ക്കാര്‍ ജോലി കിട്ടുള്ളൂ.
എനിക്ക് മനസിലാകാത്തത് - മുകളില്‍ പറഞ്ഞ കാര്യങ്ങള്‍ ഒക്കെ അറിഞ്ഞാല്‍ അത് ആ ജോലിയില്‍ എന്തെങ്കിലും ഉപയോഗം ഉണ്ടായിട്ടാണോ ഇതൊക്കെ ചോദിക്കുന്നത്? പിന്നെ, ഇതെല്ലാം അറിയാവുന്ന ഒരാള്‍ ആ ജോലിക്ക് കയറിയാല്‍ പൊതു ജനങ്ങള്‍ക്ക് അതി മഹത്തരമായ സേവനം നല്‍കും എന്നാണോ?
ക്ലര്‍ക്ക്‌ ആകുന്ന വ്യക്തിക്ക് സാമാന്യ ലോക വിജ്ഞാനവും അതിന്റെ കൂടെ ആ ജോലിയില്‍ ചെയ്യേണ്ടിവരുന്ന കാര്യങ്ങളിലും ഉള്ള അറിവ് അല്ലെ പരിശോധിക്കേണ്ടത്? ക്ലറിക്കല്‍ ജോലി ചെയ്യുന്ന ഡിപ്പാര്‍ട്ട്മെന്‍റ് എന്തൊക്കെ പ്രവര്‍ത്തനം ആണ് ചെയ്യുന്നതെന്നും, അവിടത്തെ നടപടിക്രമങ്ങള്‍ എന്തൊക്കെ എന്നും അയാള്‍ക്ക് അറിയാമോ എന്നല്ലേ പരിശോധിക്കാനുള്ളത്? അല്ലാതെ സൂര്യന് ഭൂമിയുടെ എത്ര വലിപ്പം ഉണ്ടെന്നും, എഡിസന്‍ അമേരിക്കയില്‍ എവിടെ ജനിച്ചെന്നും, തമിഴ്നാട്ടിലെ അഞ്ചാം നൂറ്റാണ്ടിലെ രാജാവിന്‍റെ രണ്ടാമത്തെ മകന്‍റെ ഭാര്യ ആരെന്നുമൊക്കെ അറിയാമോ എന്ന് പരീക്ഷ നടത്തി പരിശോധിക്കുന്നത് എന്ത് ഉദ്ദേശത്തിലാണ്? ഓര്‍മശക്തി ഉള്ളവന് മാത്രം സര്‍ക്കാര്‍ ജോലി എന്നാണോ?
ഈ ചോദ്യത്തിന് എനിക്ക് ഒരിക്കല്‍ കിട്ടിയ മറുപടി ഇതാണ് - "ലക്ഷക്കണക്കിന് ആളുകള്‍ പരീക്ഷ എഴുതാന്‍ ഉണ്ടല്ലോ, അവരെ അളക്കുവാന്‍ എന്തെങ്കിലും ഒരു മാനദണ്ഡം വേണ്ടേ...?"
അങ്ങനെയെങ്കില്‍, ഇതുമാതിരി പടിച്ചിട്ടോ അറിഞ്ഞിട്ടോ ജോലിസ്ഥലത്ത് ഉപകരിക്കാത്ത ചോദ്യങ്ങള്‍ എടുത്തു കളഞ്ഞിട്ട് ജോലിയില്‍ ഉപകരിക്കുന്ന അറിവുകള്‍ മാത്രം ചോദിച്ചാല്‍ പോരെ? ചരിത്രം മുഴുവന്‍ അരച്ച് കലക്കി കുടിച്ചിട്ട് പരീക്ഷ പാസായി സര്‍വേയര്‍ ആയി ജോലിക്ക് കേറുന്ന ആളിന് ചരിത്രം കൊണ്ട് ഒരു ഉപയോഗവും ഉണ്ടാകാന്‍ പോകുന്നില്ല. മറിച്ചു ഒരു വലിയ ഭൂമി തെറ്റില്ലാതെ അളക്കാന്‍ കഴിഞ്ഞാല്‍ അയാളുടെ ജോലിയില്‍ ഉപയോഗം ഉണ്ട്.
എനിക്ക് പറയാനുള്ളത് ഇതാണ് - പൊതുജനങ്ങളെ സേവിക്കാന്‍ വേണ്ടി സര്‍ക്കാര്‍ സര്‍വീസിലേക്ക് ആളുകളെ തിരഞ്ഞെടുക്കുമ്പോള്‍ ഉപയോഗമുള്ള രീതിയില്‍ പരീക്ഷ നടത്തി തിരഞ്ഞെടുക്കുക. അല്ലാതെ എഴുതുന്നവര്‍ക്കോ ജോലിയില്‍ പ്രവേശിക്കുന്നവര്‍ക്കോ യാതൊരു ഉപയോഗവുമില്ലാതെ ഇങ്ങനെ പരീക്ഷ നടത്തരുത്.
വാല്‍ക്കഷ്ണം: എഴുത്ത് പരീക്ഷയില്‍ അങ്ങനെ ചരിത്രവും മറ്റു പുലബന്ധം പോലുമില്ലാത്ത വിഷയങ്ങളും പഠിക്കുന്നതില്‍ എന്തെങ്കിലും ഉപയാഗം ഉണ്ടെന്നാണ് എങ്കില്‍, ഇനിമുതല്‍ ഡ്രൈവിംഗ് ലൈസന്‍സ് ടെസ്റ്റില്‍ ചരിത്രവും ഭൂമിശാസ്ത്രവും ജ്യാമിതിയും ബീജഗണിതവും കൂടി ഉള്‍പ്പെടുത്തണമെന്ന് ഞാന്‍ ശുപാര്‍ശ ചെയ്യുന്നു.
Monday, April 09, 2012
ചില മൊബൈല്‍ കഥകള്‍ ...
മൊബൈല്‍ ഇന്ന് ജീവിതത്തിന്‍റെ വളരെ പ്രധാനപ്പെട്ട ഒരു ഭാഗമായി മാറിയിരിക്കുകയാണ്. "കാണം വിറ്റും കണക്ഷന്‍ എടുക്കുന്ന" ഒരു കാലത്തിലാണ് നാം ഇന്ന് ജീവിക്കുന്നത് തന്നെ. നമുക്ക് ചുറ്റും കാണുന്നവരില്‍ നിന്നും മൊബൈല്‍ ഇല്ലാത്തവരെ കണ്ടുപിടിക്കാന്‍ പ്രയാസം തന്നെ!
മൊബൈല്‍ ഫോണ്‍ പലപ്പോഴും പല തമാശകള്‍ക്കും വഴി വെക്കാറുണ്ട്. അത്തരത്തില്‍ എന്‍റെ ജീവിതത്തില്‍ ഉണ്ടായിട്ടുള്ള ചില രസകരമായ മൊബൈല്‍ സംഭവങ്ങള്‍ ഇവിടെ പറയാം.
*** *** *** ***
കോളേജില്‍ എന്‍റെ കൂടെ ജോലി ചെയ്തിരുന്ന ഗോമതി ആണ് ഈ കഥയിലെ ഇര. ഒരിക്കല്‍ ഞാന്‍ ഗോമതിയുടെ മൊബൈല്‍ പതുക്കെ അടിച്ചുമാറ്റി അതില്‍ എന്‍റെ കോണ്ടാക്റ്റ് നെയിം മാറ്റി "Airtel" എന്നാക്കി. അന്ന് ഞാന്‍ ഗോമതിക്ക് ഒരു മെസ്സേജ് അയച്ചു. അത് കാണുന്നത് ഇങ്ങനെ:
Message From: Airtel
Body: "Please pay your Airtel bill immediately. Otherwise your connection will be terminated without any further notice"
പാവം ഗോമതി ഒന്നും മനസിലാകാതെ നിന്നു. തന്‍റെ prepaid മൊബൈലില്‍ ബില്‍ ഉണ്ടോ എന്ന് സംശയിച്ചു. പിന്നെ പതുക്കെ സംഭവം മറന്നു. എന്‍റെ കോണ്ടാക്റ്റ് നെയിം മാറ്റിയ കാര്യം ഞാനും മറന്നു.
കുറച്ചു നാള്‍ കഴിഞ്ഞു ഒരു ദിവസം ഉച്ചക്ക് ഞാന്‍ ഗോമാതിക്ക് മെസ്സേജ് അയച്ചു. അത് ഗോമതി കാണുന്നത് ഇങ്ങനെ:
Message From: Airtel
Body: "Food kazhikkaan varunno????"
ഇത്തവണ ഗോമതിക്ക് കാര്യം മനസിലായി. വടി ആയത് ഞാന്‍ ..!
*** *** *** ***
ഇതുപോലെ തന്നെ ബ്ലൂടൂത്ത്‌ നെയിം മാറ്റുന്നതും ഒരു ക്രൂര വിനോദം ആയിരുന്നു. ഒരിക്കല്‍ ഞാന്‍ ഗോമതിയുടെ ഫോണില്‍ ബ്ലൂടൂത്ത്‌ നെയിം മാറ്റി. വളരെ നാളുകള്‍ക്ക്‌ ശേഷം ഗോമതി ആ ഭീകര സത്യം തിരിച്ചറിഞ്ഞു - തന്‍റെ ഫോണ്‍ ബ്ലൂടൂത്ത്‌ ഓണ്‍ ആക്കി മറ്റുള്ളവര്‍ സെര്‍ച്ച്‌ ചെയ്യുമ്പോള്‍ കാണുന്ന "komalan vadakara" എന്ന് പേരുള്ള ഡിവൈസ് തന്‍റെ സ്വന്തം ഫോണ്‍ തന്നെ ആണെന്ന്!!!
പാവം, അത് കാരണം പുള്ളിക്കാരിക്ക് വളരെ പ്രിയപ്പെട്ട ഏതൊക്കെയോ പാട്ടുകള്‍ ട്രാന്‍സ്ഫര്‍ ചെയ്യാന്‍ കഴിയാതെ നഷ്ടമായി...!
എന്‍റെ കൂട്ടുകാരന്‍ മിഥുന്‍ മോഹന്‍റെ ബ്ലൂടൂത്ത്‌ നെയിം ഞാന്‍ മാറ്റിയത് "kaattumooppan" എന്നായിരുന്നു. ഇത് അവന്‍ പഠിപ്പിക്കുന്ന പൊളിടെക്നിക്കില്‍ ആരൊക്കെയോ കാണുകയും, അവനു കാട്ടുമൂപ്പന്‍ എന്ന് പേര് വീഴുകയും ചെയ്തു എന്ന് ഒരു കഥ. സത്യമാണോ എന്തോ...!
*** *** *** ***
എന്‍റെ സുഹൃത്ത് സുഭാഷ്‌ ഒരിക്കല്‍ ചെയ്തത് വളരെ ഭീകരമായിരുന്നു. ഞങ്ങള്‍ എല്ലാരും കൂടി "കംബൈന്‍ സ്റ്റഡി" നടത്താന്‍ ദിലീപിന്‍റെ വീട്ടില്‍ പോവുകയും അവിടെ വെച്ച് കംബൈന്‍ സ്റ്റഡി വളരെ വേഗം "കംബൈന്‍ സ്ലീപ്" ആയി പുരോഗമികുകയും ചെയ്യുന്നു. ആ സമയത്ത് ഒരു കള്ളനെപോലെ സുഭാഷ്‌ മാത്രം ഉണര്‍ന്നിരുന്നു "പഠിക്കുന്നു". പാവം, പഠിക്കട്ടെ, ശല്യം ചെയ്യണ്ടാന്നു കരുതി.
പിറ്റേന്ന് ആണ് സുഭാഷിന്റെ "പഠനം" എന്താണെന്ന് മനസിലായത്. അവന്‍ ഞങ്ങളില്‍ പലരുടെയും ഫോണ്‍ എടുത്തു കൂട്ടുകാരുടെയും കാമുകിമാരുടെയും ശത്രുക്കളുടെയും നമ്പരുകള്‍ തമ്മില്‍ മാറ്റി. ആരൊക്കെ ആരൊക്കെയാണ് എന്ന് അറിയാതെ ഓരോരുത്തര്‍ക്കായി അമളി പറ്റി തുടങ്ങിയപ്പോള്‍ ആണ് സംഭവം പുറത്തായത്.
പക്ഷെ, ആരുടെയൊക്കെ പേരുകളും നമ്പരുകളും ആണ് മാറ്റിയതെന്ന് സുഭാഷ്‌ ഒരു ലിസ്റ്റ് എഴുതി വെച്ചിരുന്നത് കൊണ്ട് കുറെ യുദ്ധങ്ങള്‍ ഒഴിവായിക്കിട്ടി!
*** *** *** ***
റിംഗ്ടോണ്‍ പലപ്പോഴും തമാശകള്‍ ഒപ്പിക്കാറുണ്ട്. മണിച്ചിത്രത്താഴില്‍ നാഗവള്ളി വരുമ്പോള്‍ കേള്‍ക്കുന്ന ബാക്ക്ഗ്രൌണ്ട് മ്യൂസിക്‌ ആണ് വിഷ്ണു മേനോന്‍ കുറച്ചുകാലം റിംഗ്ടോണ്‍ ആയി ഉപയോഗിച്ചത്. ഒരിക്കല്‍ അവന്റെ വീട്ടില്‍ രാത്രി പവര്‍ കട്ട്‌ സമയത്ത് ആരോ അവന്റെ ഫോണില്‍ വിളിച്ചു, ഇരുട്ടത്ത് വളരെ ഉച്ചത്തില്‍ പ്രസ്തുത റിംഗ്ടോണ്‍ കേട്ട് പാവം മേനോന്‍ പേടിച്ചുപോയി എന്ന് പറഞ്ഞു കേട്ടു. പക്ഷെ അവന്‍ അത് സമ്മതിക്കുന്നില്ല എന്നുള്ളത് മറ്റൊരു നഗ്നസത്യം.
സുഭാഷിന്റെ റിംഗ്ടോണ്‍ ആയി പൂച്ച കരയുന്ന ശബ്ദം കുറേകാലം ഉണ്ടായിരുന്നു. ഒരിക്കല്‍ നമ്മുടെ ഒരു കൂട്ടുകാരിയുടെ അച്ഛനുമായി വളരെ ഗൌരവമേറിയ ചര്‍ച്ച നടത്തുകയാണ് ഞങ്ങള്‍. പെട്ടെന്ന് സുഭാഷിന്റെ പോക്കറ്റില്‍ നിന്നും പൂച്ച കരയുന്ന ശബ്ദം. ഞങ്ങള്‍ക്ക് കാര്യം മനസിലായി. പക്ഷെ കൂട്ടുകാരിയുടെ അച്ഛന്‍ ഒന്ന് ഞെട്ടി. ആ സംഭവം ചിരിക്കാന്‍ ഒരുപാട് വക നല്‍കി...!
*** *** *** ***
മൊബൈലില്‍ അലാറം വയ്ക്കുമ്പോള്‍ ഒരു നൂറു അബദ്ധങ്ങള്‍ പറ്റാറുണ്ട്. അതില്‍ ചിലത് പറയട്ടെ.
1. അലാറം സെറ്റ്‌ ചെയ്യാന്‍ ഉദ്ദേശിക്കുന്നത് രാവിലെ 5 മണിക്ക്, അലാറം വയ്ക്കുന്നതോ, 5pm നും.
2. അലാറം സെറ്റ്‌ ചെയ്യുന്നു, എന്നിട്ട് അലാറം ടോണ്‍ ആയി "silent" തിരഞ്ഞെടുക്കുന്നു... ആര് കേള്‍ക്കാന്‍!!!
3. ചിലപ്പോള്‍ മൊബൈലില്‍ 24 മണിക്കൂര്‍ സമയം ആയിരിക്കും. അപ്പോഴും അബദ്ധം ഉണ്ടാകാറുണ്ട് - ഉച്ചക്ക് 3 മണിക്ക് അലാറം വെയ്ക്കും, അലാറം അടിക്കുന്നതോ, അതി രാവിലെ 3 മണിക്കും.
പിന്നെ എന്‍റെ, അല്ല, എല്ലാരുടെയും ഒരു അനുഭവം ആണ് - ഏതെങ്കിലും ഒരു പാട്ട് വെറുക്കണോ...? ആ പാട്ട് നിങ്ങളുടെ രാവിലത്തെ അലാറം ടോണ്‍ ആയി സെറ്റ്‌ ചെയ്യുക. ഒരാഴ്ചക്കുള്ളില്‍ നിങ്ങള്‍ ആ പാട്ട് വെറുത്തിരിക്കും. (ഞാന്‍ അങ്ങനെ വെറുത്തു പോയ ഒരു പാട്ടാണ് "മിന്നാമിന്നിക്കൂട്ടം" ചിത്രത്തിലെ "മിഴി തമ്മില്‍ പുണരുന്ന നേരം..." എന്ന പാട്ട്)
*** *** *** ***
മൊബൈല്‍ ഫോണ്‍ ചാര്‍ജ് ചെയ്യാന്‍ വെക്കുമ്പോള്‍ പറ്റുന്ന അബദ്ധങ്ങള്‍ വേറെ ചിലതുണ്ട്, അതും കൂടി പറയണമല്ലോ.
1. ചാര്‍ജര്‍ പ്ലഗ്ഗില്‍ കുത്തി, മൊബൈലിലും കണക്റ്റ്‌ ചെയ്തു, പക്ഷെ പ്ലഗ്ഗിന്റെ സ്വിച്ച് ഓണ്‍ ചെയ്യാന്‍ മറന്നെന്നു മനസിലാകുന്നത് 3 മണിക്കൂര്‍ കഴിഞ്ഞാകും.
2. ഇത്തവണ സ്വിച്ച് ഓണ്‍ ചെയ്തു... പക്ഷെ പിന്നീട് മനസിലാകും ചാര്‍ജര്‍ മൊബൈലില്‍ കണക്ട് ചെയ്യാന്‍ മറന്നു എന്ന്...!!! എങ്ങനെ ദേഷ്യം വരാതിരിക്കും!
3. ഇത്തവണ എല്ലാം കൊടുത്തിട്ടുണ്ട്‌, എല്ലാം ഓക്കേ ആണ്... പക്ഷെ.... പക്ഷെ... വീട്ടില്‍ കറന്റ്‌ ഇല്ല....!!! #@*&@&^#(@
*** *** *** ***
മൊബൈല്‍ ഫോണ്‍ ഇല്ലാത്തവരായി ഇന്ന് വളരെ ചുരുക്കം പേര് മാത്രം. നിങ്ങള്‍ക്കും ഉണ്ട് മൊബൈല്‍ ഫോണ്‍. അപ്പൊ നിങ്ങള്‍ക്കും ഇതുപോലെ മണ്ടത്തരങ്ങളും തമാശകളും ഉണ്ടായിട്ടുണ്ടോ? നിങ്ങള്‍ ആരെയൊക്കെ പറ്റിച്ചിട്ടുണ്ട്...? അതൊക്കെ ഇവിടെ ഷെയര്‍ ചെയ്തോളു...!
മൊബൈല്‍ ഫോണ്‍ പലപ്പോഴും പല തമാശകള്‍ക്കും വഴി വെക്കാറുണ്ട്. അത്തരത്തില്‍ എന്‍റെ ജീവിതത്തില്‍ ഉണ്ടായിട്ടുള്ള ചില രസകരമായ മൊബൈല്‍ സംഭവങ്ങള്‍ ഇവിടെ പറയാം.
*** *** *** ***
കോളേജില്‍ എന്‍റെ കൂടെ ജോലി ചെയ്തിരുന്ന ഗോമതി ആണ് ഈ കഥയിലെ ഇര. ഒരിക്കല്‍ ഞാന്‍ ഗോമതിയുടെ മൊബൈല്‍ പതുക്കെ അടിച്ചുമാറ്റി അതില്‍ എന്‍റെ കോണ്ടാക്റ്റ് നെയിം മാറ്റി "Airtel" എന്നാക്കി. അന്ന് ഞാന്‍ ഗോമതിക്ക് ഒരു മെസ്സേജ് അയച്ചു. അത് കാണുന്നത് ഇങ്ങനെ:
Message From: Airtel
Body: "Please pay your Airtel bill immediately. Otherwise your connection will be terminated without any further notice"
പാവം ഗോമതി ഒന്നും മനസിലാകാതെ നിന്നു. തന്‍റെ prepaid മൊബൈലില്‍ ബില്‍ ഉണ്ടോ എന്ന് സംശയിച്ചു. പിന്നെ പതുക്കെ സംഭവം മറന്നു. എന്‍റെ കോണ്ടാക്റ്റ് നെയിം മാറ്റിയ കാര്യം ഞാനും മറന്നു.
കുറച്ചു നാള്‍ കഴിഞ്ഞു ഒരു ദിവസം ഉച്ചക്ക് ഞാന്‍ ഗോമാതിക്ക് മെസ്സേജ് അയച്ചു. അത് ഗോമതി കാണുന്നത് ഇങ്ങനെ:
Message From: Airtel
Body: "Food kazhikkaan varunno????"
ഇത്തവണ ഗോമതിക്ക് കാര്യം മനസിലായി. വടി ആയത് ഞാന്‍ ..!
*** *** *** ***
ഇതുപോലെ തന്നെ ബ്ലൂടൂത്ത്‌ നെയിം മാറ്റുന്നതും ഒരു ക്രൂര വിനോദം ആയിരുന്നു. ഒരിക്കല്‍ ഞാന്‍ ഗോമതിയുടെ ഫോണില്‍ ബ്ലൂടൂത്ത്‌ നെയിം മാറ്റി. വളരെ നാളുകള്‍ക്ക്‌ ശേഷം ഗോമതി ആ ഭീകര സത്യം തിരിച്ചറിഞ്ഞു - തന്‍റെ ഫോണ്‍ ബ്ലൂടൂത്ത്‌ ഓണ്‍ ആക്കി മറ്റുള്ളവര്‍ സെര്‍ച്ച്‌ ചെയ്യുമ്പോള്‍ കാണുന്ന "komalan vadakara" എന്ന് പേരുള്ള ഡിവൈസ് തന്‍റെ സ്വന്തം ഫോണ്‍ തന്നെ ആണെന്ന്!!!
പാവം, അത് കാരണം പുള്ളിക്കാരിക്ക് വളരെ പ്രിയപ്പെട്ട ഏതൊക്കെയോ പാട്ടുകള്‍ ട്രാന്‍സ്ഫര്‍ ചെയ്യാന്‍ കഴിയാതെ നഷ്ടമായി...!
എന്‍റെ കൂട്ടുകാരന്‍ മിഥുന്‍ മോഹന്‍റെ ബ്ലൂടൂത്ത്‌ നെയിം ഞാന്‍ മാറ്റിയത് "kaattumooppan" എന്നായിരുന്നു. ഇത് അവന്‍ പഠിപ്പിക്കുന്ന പൊളിടെക്നിക്കില്‍ ആരൊക്കെയോ കാണുകയും, അവനു കാട്ടുമൂപ്പന്‍ എന്ന് പേര് വീഴുകയും ചെയ്തു എന്ന് ഒരു കഥ. സത്യമാണോ എന്തോ...!
*** *** *** ***
എന്‍റെ സുഹൃത്ത് സുഭാഷ്‌ ഒരിക്കല്‍ ചെയ്തത് വളരെ ഭീകരമായിരുന്നു. ഞങ്ങള്‍ എല്ലാരും കൂടി "കംബൈന്‍ സ്റ്റഡി" നടത്താന്‍ ദിലീപിന്‍റെ വീട്ടില്‍ പോവുകയും അവിടെ വെച്ച് കംബൈന്‍ സ്റ്റഡി വളരെ വേഗം "കംബൈന്‍ സ്ലീപ്" ആയി പുരോഗമികുകയും ചെയ്യുന്നു. ആ സമയത്ത് ഒരു കള്ളനെപോലെ സുഭാഷ്‌ മാത്രം ഉണര്‍ന്നിരുന്നു "പഠിക്കുന്നു". പാവം, പഠിക്കട്ടെ, ശല്യം ചെയ്യണ്ടാന്നു കരുതി.
പിറ്റേന്ന് ആണ് സുഭാഷിന്റെ "പഠനം" എന്താണെന്ന് മനസിലായത്. അവന്‍ ഞങ്ങളില്‍ പലരുടെയും ഫോണ്‍ എടുത്തു കൂട്ടുകാരുടെയും കാമുകിമാരുടെയും ശത്രുക്കളുടെയും നമ്പരുകള്‍ തമ്മില്‍ മാറ്റി. ആരൊക്കെ ആരൊക്കെയാണ് എന്ന് അറിയാതെ ഓരോരുത്തര്‍ക്കായി അമളി പറ്റി തുടങ്ങിയപ്പോള്‍ ആണ് സംഭവം പുറത്തായത്.
പക്ഷെ, ആരുടെയൊക്കെ പേരുകളും നമ്പരുകളും ആണ് മാറ്റിയതെന്ന് സുഭാഷ്‌ ഒരു ലിസ്റ്റ് എഴുതി വെച്ചിരുന്നത് കൊണ്ട് കുറെ യുദ്ധങ്ങള്‍ ഒഴിവായിക്കിട്ടി!
*** *** *** ***
റിംഗ്ടോണ്‍ പലപ്പോഴും തമാശകള്‍ ഒപ്പിക്കാറുണ്ട്. മണിച്ചിത്രത്താഴില്‍ നാഗവള്ളി വരുമ്പോള്‍ കേള്‍ക്കുന്ന ബാക്ക്ഗ്രൌണ്ട് മ്യൂസിക്‌ ആണ് വിഷ്ണു മേനോന്‍ കുറച്ചുകാലം റിംഗ്ടോണ്‍ ആയി ഉപയോഗിച്ചത്. ഒരിക്കല്‍ അവന്റെ വീട്ടില്‍ രാത്രി പവര്‍ കട്ട്‌ സമയത്ത് ആരോ അവന്റെ ഫോണില്‍ വിളിച്ചു, ഇരുട്ടത്ത് വളരെ ഉച്ചത്തില്‍ പ്രസ്തുത റിംഗ്ടോണ്‍ കേട്ട് പാവം മേനോന്‍ പേടിച്ചുപോയി എന്ന് പറഞ്ഞു കേട്ടു. പക്ഷെ അവന്‍ അത് സമ്മതിക്കുന്നില്ല എന്നുള്ളത് മറ്റൊരു നഗ്നസത്യം.
സുഭാഷിന്റെ റിംഗ്ടോണ്‍ ആയി പൂച്ച കരയുന്ന ശബ്ദം കുറേകാലം ഉണ്ടായിരുന്നു. ഒരിക്കല്‍ നമ്മുടെ ഒരു കൂട്ടുകാരിയുടെ അച്ഛനുമായി വളരെ ഗൌരവമേറിയ ചര്‍ച്ച നടത്തുകയാണ് ഞങ്ങള്‍. പെട്ടെന്ന് സുഭാഷിന്റെ പോക്കറ്റില്‍ നിന്നും പൂച്ച കരയുന്ന ശബ്ദം. ഞങ്ങള്‍ക്ക് കാര്യം മനസിലായി. പക്ഷെ കൂട്ടുകാരിയുടെ അച്ഛന്‍ ഒന്ന് ഞെട്ടി. ആ സംഭവം ചിരിക്കാന്‍ ഒരുപാട് വക നല്‍കി...!
*** *** *** ***
മൊബൈലില്‍ അലാറം വയ്ക്കുമ്പോള്‍ ഒരു നൂറു അബദ്ധങ്ങള്‍ പറ്റാറുണ്ട്. അതില്‍ ചിലത് പറയട്ടെ.
1. അലാറം സെറ്റ്‌ ചെയ്യാന്‍ ഉദ്ദേശിക്കുന്നത് രാവിലെ 5 മണിക്ക്, അലാറം വയ്ക്കുന്നതോ, 5pm നും.
2. അലാറം സെറ്റ്‌ ചെയ്യുന്നു, എന്നിട്ട് അലാറം ടോണ്‍ ആയി "silent" തിരഞ്ഞെടുക്കുന്നു... ആര് കേള്‍ക്കാന്‍!!!
3. ചിലപ്പോള്‍ മൊബൈലില്‍ 24 മണിക്കൂര്‍ സമയം ആയിരിക്കും. അപ്പോഴും അബദ്ധം ഉണ്ടാകാറുണ്ട് - ഉച്ചക്ക് 3 മണിക്ക് അലാറം വെയ്ക്കും, അലാറം അടിക്കുന്നതോ, അതി രാവിലെ 3 മണിക്കും.
പിന്നെ എന്‍റെ, അല്ല, എല്ലാരുടെയും ഒരു അനുഭവം ആണ് - ഏതെങ്കിലും ഒരു പാട്ട് വെറുക്കണോ...? ആ പാട്ട് നിങ്ങളുടെ രാവിലത്തെ അലാറം ടോണ്‍ ആയി സെറ്റ്‌ ചെയ്യുക. ഒരാഴ്ചക്കുള്ളില്‍ നിങ്ങള്‍ ആ പാട്ട് വെറുത്തിരിക്കും. (ഞാന്‍ അങ്ങനെ വെറുത്തു പോയ ഒരു പാട്ടാണ് "മിന്നാമിന്നിക്കൂട്ടം" ചിത്രത്തിലെ "മിഴി തമ്മില്‍ പുണരുന്ന നേരം..." എന്ന പാട്ട്)
*** *** *** ***
മൊബൈല്‍ ഫോണ്‍ ചാര്‍ജ് ചെയ്യാന്‍ വെക്കുമ്പോള്‍ പറ്റുന്ന അബദ്ധങ്ങള്‍ വേറെ ചിലതുണ്ട്, അതും കൂടി പറയണമല്ലോ.
1. ചാര്‍ജര്‍ പ്ലഗ്ഗില്‍ കുത്തി, മൊബൈലിലും കണക്റ്റ്‌ ചെയ്തു, പക്ഷെ പ്ലഗ്ഗിന്റെ സ്വിച്ച് ഓണ്‍ ചെയ്യാന്‍ മറന്നെന്നു മനസിലാകുന്നത് 3 മണിക്കൂര്‍ കഴിഞ്ഞാകും.
2. ഇത്തവണ സ്വിച്ച് ഓണ്‍ ചെയ്തു... പക്ഷെ പിന്നീട് മനസിലാകും ചാര്‍ജര്‍ മൊബൈലില്‍ കണക്ട് ചെയ്യാന്‍ മറന്നു എന്ന്...!!! എങ്ങനെ ദേഷ്യം വരാതിരിക്കും!
3. ഇത്തവണ എല്ലാം കൊടുത്തിട്ടുണ്ട്‌, എല്ലാം ഓക്കേ ആണ്... പക്ഷെ.... പക്ഷെ... വീട്ടില്‍ കറന്റ്‌ ഇല്ല....!!! #@*&@&^#(@
*** *** *** ***
മൊബൈല്‍ ഫോണ്‍ ഇല്ലാത്തവരായി ഇന്ന് വളരെ ചുരുക്കം പേര് മാത്രം. നിങ്ങള്‍ക്കും ഉണ്ട് മൊബൈല്‍ ഫോണ്‍. അപ്പൊ നിങ്ങള്‍ക്കും ഇതുപോലെ മണ്ടത്തരങ്ങളും തമാശകളും ഉണ്ടായിട്ടുണ്ടോ? നിങ്ങള്‍ ആരെയൊക്കെ പറ്റിച്ചിട്ടുണ്ട്...? അതൊക്കെ ഇവിടെ ഷെയര്‍ ചെയ്തോളു...!
Sunday, April 08, 2012
പുതിയൊരു ലോകത്തേക്ക് സ്വാഗതം.... "വിഷ്ണുലോകം"
പ്രിയപ്പെട്ട വായനക്കാരെ, ബ്ലോഗ്ഗര്‍ സുഹൃത്തുക്കളെ, മലയാളം ഇഷ്ടപെടുകയും വായിക്കുകയും, വായന ആസ്വദിക്കുകയും ചെയ്യുന്ന എല്ലാ സുഹൃത്തുക്കള്‍ക്കും എന്‍റെ പുതിയ ബ്ലോഗ്‌ ലോകത്തേക്ക് സ്വാഗതം. ഞാന്‍ വിഷ്ണു, അപ്പോള്‍ ഇത് "വിഷ്ണുലോകം" ....
മുന്‍പ് ഞാന്‍ ഗൂഗിള്‍ ബ്ലോഗ്ഗറില്‍ എഴുതിക്കൊണ്ടിരുന്ന ബ്ലോഗ്‌ ഇപ്പോള്‍ സ്വന്തമായി ഒരു ഡൊമൈന്‍ നാമം സ്വീകരിച്ചു സ്വതന്ത്രമാവുകയാണ്. പുതിയ ബ്ലോഗ്‌ ഹോസ്റ്റ് ചെയ്യാന്‍ സ്ഥലം തന്നതിന് എന്‍റെ വിദ്യാര്‍ഥികള്‍ ആയ അരുണ്‍, അനീഷ്‌ എന്നിവരോടും അവരുടെ കമ്പനി ആയ HelloInfinity.com നും ആദ്യമേ നന്ദി പറയട്ടെ. വേര്‍ഡ്പ്രസ്സ് ഉപയോഗിക്കുന്നതിലെ ചില സംശയങ്ങള്‍ തീര്‍ത്തു തന്നതിന് മറ്റൊരു വിദ്യാര്‍ഥി ആയ ആഘോഷ് ബാബുവിനും നന്ദി. മലയാളം ബ്ലോഗ്‌ എന്ന് മനസ്സില്‍ വിചാരിക്കുമ്പോള്‍ ആദ്യമേ മനസ്സില്‍ വരുന്ന പേരാണ് "നിരക്ഷരന്‍ " - എഴുത്തും വായനയും അറിയില്ലെങ്കിലും പുള്ളിക്കാരന്‍ മലയാള ബൂലോകത്തെ വളരെ പ്രശസ്തന്‍ ആണ്. അദ്ദേഹം എപ്പോഴും ഒരു പ്രചോദനം തന്നെയാണ്. ബൂലോകത്തിലെ "നിരക്ഷരന്‍ " ആയ മനോജേട്ടനും ഈ അവസരത്തില്‍ നന്ദി...!
പിന്നെ പഴയ ബ്ലോഗ്‌ സ്ഥിരമായി വായിക്കുകയും, അതില്‍ കമന്റ് ഇടുകയും ചെയ്യുന്ന വായനക്കാരോടും സ്നേഹം പ്രകടിപ്പിക്കുന്നു. നിങ്ങളെ പോലുള്ള വായനക്കാര്‍ ആണ് എന്നും എഴുതുമ്പോള്‍ ഒരു പ്രചോദനം.
മുന്‍പത്തെ പോലെ ഇടയ്ക്കിടെ മുങ്ങാതെ, സ്ഥിരമായി എഴുതണം എന്ന് ആഗ്രഹം ഉണ്ട്. മിക്കവാറും ഞാന്‍ എഴുതുക രസകരമായ ജീവിത മുഹൂര്‍ത്തങ്ങള്‍ ആയിരിക്കും.... വായിക്കുന്നവര്‍ക്കും ഒരു രസം തോന്നണ്ടേ??? അനുഭവങ്ങള്‍ , യാത്രകള്‍ , ചലച്ചിത്രങ്ങളെയും പാട്ടുകളേയും കുറിച്ചുള്ള അഭിപ്രായങ്ങള് , തമാശകള്‍ , ചിത്രങ്ങള്‍ , കഥകള്‍ അങ്ങനെ വായിക്കുന്നവരെ ആകര്‍ഷിക്കുന്ന എന്തും ഇവിടെ എഴുതുന്നതാണ്... :-)
ഒരു നല്ല ദിനം ആശംസിച്ചുകൊണ്ട്, അടുത്ത പോസ്റ്റിനു വേണ്ടിയുള്ള തയ്യാറെടുപ്പിലെക്ക്....!
മുന്‍പ് ഞാന്‍ ഗൂഗിള്‍ ബ്ലോഗ്ഗറില്‍ എഴുതിക്കൊണ്ടിരുന്ന ബ്ലോഗ്‌ ഇപ്പോള്‍ സ്വന്തമായി ഒരു ഡൊമൈന്‍ നാമം സ്വീകരിച്ചു സ്വതന്ത്രമാവുകയാണ്. പുതിയ ബ്ലോഗ്‌ ഹോസ്റ്റ് ചെയ്യാന്‍ സ്ഥലം തന്നതിന് എന്‍റെ വിദ്യാര്‍ഥികള്‍ ആയ അരുണ്‍, അനീഷ്‌ എന്നിവരോടും അവരുടെ കമ്പനി ആയ HelloInfinity.com നും ആദ്യമേ നന്ദി പറയട്ടെ. വേര്‍ഡ്പ്രസ്സ് ഉപയോഗിക്കുന്നതിലെ ചില സംശയങ്ങള്‍ തീര്‍ത്തു തന്നതിന് മറ്റൊരു വിദ്യാര്‍ഥി ആയ ആഘോഷ് ബാബുവിനും നന്ദി. മലയാളം ബ്ലോഗ്‌ എന്ന് മനസ്സില്‍ വിചാരിക്കുമ്പോള്‍ ആദ്യമേ മനസ്സില്‍ വരുന്ന പേരാണ് "നിരക്ഷരന്‍ " - എഴുത്തും വായനയും അറിയില്ലെങ്കിലും പുള്ളിക്കാരന്‍ മലയാള ബൂലോകത്തെ വളരെ പ്രശസ്തന്‍ ആണ്. അദ്ദേഹം എപ്പോഴും ഒരു പ്രചോദനം തന്നെയാണ്. ബൂലോകത്തിലെ "നിരക്ഷരന്‍ " ആയ മനോജേട്ടനും ഈ അവസരത്തില്‍ നന്ദി...!
പിന്നെ പഴയ ബ്ലോഗ്‌ സ്ഥിരമായി വായിക്കുകയും, അതില്‍ കമന്റ് ഇടുകയും ചെയ്യുന്ന വായനക്കാരോടും സ്നേഹം പ്രകടിപ്പിക്കുന്നു. നിങ്ങളെ പോലുള്ള വായനക്കാര്‍ ആണ് എന്നും എഴുതുമ്പോള്‍ ഒരു പ്രചോദനം.
മുന്‍പത്തെ പോലെ ഇടയ്ക്കിടെ മുങ്ങാതെ, സ്ഥിരമായി എഴുതണം എന്ന് ആഗ്രഹം ഉണ്ട്. മിക്കവാറും ഞാന്‍ എഴുതുക രസകരമായ ജീവിത മുഹൂര്‍ത്തങ്ങള്‍ ആയിരിക്കും.... വായിക്കുന്നവര്‍ക്കും ഒരു രസം തോന്നണ്ടേ??? അനുഭവങ്ങള്‍ , യാത്രകള്‍ , ചലച്ചിത്രങ്ങളെയും പാട്ടുകളേയും കുറിച്ചുള്ള അഭിപ്രായങ്ങള് , തമാശകള്‍ , ചിത്രങ്ങള്‍ , കഥകള്‍ അങ്ങനെ വായിക്കുന്നവരെ ആകര്‍ഷിക്കുന്ന എന്തും ഇവിടെ എഴുതുന്നതാണ്... :-)
ഒരു നല്ല ദിനം ആശംസിച്ചുകൊണ്ട്, അടുത്ത പോസ്റ്റിനു വേണ്ടിയുള്ള തയ്യാറെടുപ്പിലെക്ക്....!
Subscribe to:
Posts (Atom)
-
1. അമ്മത്തൊട്ടില്‍ അമ്മത്തൊട്ടിലില്‍ ജീവിതം തുടങ്ങിയ പെണ്‍കുട്ടി പതിനാറ് വയസു തികയുന്നതിനു മുന്‍പേ അമ്മത്തൊട്ടിലിന്റെ പടവുകള്‍ വീണ്ടു... -
ഞങ്ങള്‍ സുഹൃത്തുക്കളാണ്; സഹപ്രവര്‍ത്തകരും അതിലുപരി ഒരേ സ്ഥലങ്ങളില്‍ താമസിക്കുന്നവരുമാണ്. അവന്‍ ഓഫീസില്‍ ജോയിന്‍ ചെയ്തതിനുശേഷമാണ് ഞങ്ങള്‍ സു... -
അടുത്തിടെയാണ് ഒരു തവളയുടെ ഫേസ്ബുക്ക് പ്രൊഫൈല്‍ ശ്രദ്ധയില്‍പ്പെട്ടത്. ഓപ്പണ്‍ ചെയ്തു നോക്കിയപ്പോള്‍ കൌതുകമുളവാക്കുന്ന കുറെയേറെ പോസ്റ്റുകള...