ജന്മദിനം...

നാളെ എന്റെ ജന്മദിനം ആണ്. ഈ പാവം (..പാവമോ? ആര്...? ഞാനോ?... ) ഈ ഭൂമിയില്‍ പിറന്നു വീണിട്ടു നാളെ 22 വര്‍ഷങ്ങള്‍ തികയുന്നു. ഈ കാലം കൊണ്ടു എന്തൊക്കെ ഞാന്‍ നേടി എന്ന് ചോദിച്ചാല്‍...???

ഹാ, അങ്ങനെ എല്ലാരും സ്വയം ഒരു ആത്മപരിശോധന നടത്തുന്ന സമയം ആണല്ലോ ജന്മദിനവും പുതുവര്‍ഷവും ഒക്കെ... അല്ലെ? ഞാനും അതുപോലെ എന്നോട് തന്നെ ഒന്നു ചോദിച്ചു - ഞാന്‍ എന്തൊക്കെ നേടി...?

ഇതു തന്നെയാണ് ഞാന്‍ കഴിഞ്ഞ ജന്മദിനത്തിലും എന്നോട് ചോദിച്ചത്. അന്ന് കിട്ടിയ ഉത്തരം അന്ന് ഞാന്‍ എഴുതുകയും ചെയ്തു. അന്ന് കിട്ടിയതിനേക്കാള്‍ കൂടുതല്‍ ഇന്നു എന്തെങ്കിലും കിട്ടിയോ? കിട്ടിയെന്നു മനസ് പറയുന്നു. എന്തൊക്കെയോ കിട്ടി... (അടി അല്ല കേട്ടോ.. )

അയ്യോ .. ഇപ്പോഴും വീട്ടില്‍ ഫോണ്‍ കിട്ടിയിട്ടില്ല... ഉടനെ കിട്ടുമെന്ന് പ്രതീക്ഷ... ജന്മദിന പ്രതീക്ഷ.

ജീവിതത്തിന്റെ പ്രതീക്ഷകളുമായി ഇരുപത്തി മൂന്നാമത്തെ വര്‍ഷത്തിലേക്ക്... വീണ്ടും കാണാം.