ജോഷി സംവിധാനം ചെയ്ത മോഹന്ലാല് ഓണച്ചിത്രം - റണ് ബേബി റണ് - ഇന്ന് ഈ മനോഹരമായ തിരുവോണ ദിവസം തീയേറ്ററില് എത്തി. "സീനിയേഴ്സ്" എന്ന മുഴുനീള തമാശ ചിത്രത്തിന്റെ കഥ എഴുതിയ സച്ചി-സേതു ടീമിലെ സച്ചിയുടെതാണ് കഥ.
ജോഷി-മോഹന്ലാല് കൂട്ടുകെട്ടില് ഉണ്ടായ ചിത്രം ആയതിനാല് പതിവ് "ഹീറോയിസം", "ഒറ്റയടിക്ക് മുപ്പതു പേരെ വീഴ്ത്തല്" മുതലായ നമ്പരുകള് ഉണ്ടാകുമെന്ന് ഓര്ത്താണ് ആദ്യമേ പോകണ്ടാന്നു കരുതിയത് . ആരെങ്കിലുമൊക്കെ പോയി കണ്ടിട്ട് വന്നു റിവ്യൂ പറഞ്ഞിട്ട് പോയാല് മതിയല്ലോ. മാത്രവുമല്ല, ഇപ്പൊ വന്ന "താപ്പാന"യും "മരുമകനും" ഒക്കെ അത്ര പോരാ എന്നും കേട്ടിരുന്നു.
